બિહાર-પશ્ચિમ બંગાળ સહિત પૂર્વોત્તર ભારતમાં ભૂકંપના આંચકા, અસમમાં કેંદ્ર બિંદુ

પૂર્વોત્તર ભારતમાં ભૂકંપ

બિહાર, પશ્ચિમ બંગાળ અને પૂર્વોત્તર ભારતના કેટલાક વિસ્તારોમાં બુધવારે સવારે ભૂકંપના આંચકા અનુભવાયા. 5.5 રિક્ટર સ્કેલની તીવ્રતાથી ભૂકંપ આવ્યો. જો કે હજુ સુધી જાનમાલની કોઈ હાનિ થયાના સમાચાર નથી. કહેવાય છે કે લગભગ 25-30 સેકંડ સુધી આંચકા અનુભવાયા હતા. બુધવારે સવારે અસમના કોકરાઝારમાં ભૂકંપનું કેંદ્રબિંદુ નોંધાયું છે. જેની અસર બિહારના પૂર્ણિયા, અરરિયા, કટિહર, કૂચબિહાર, કિશનગંજ અને પટનામાં જોવા મળી.

જમીનથી 10-12 કિમી નીચે ભૂકંપ

પશ્ચિમ બંગાળના જલપાઈગુડી સહિત અન્ય કેટલાક વિસ્તારમાં ભૂકંપના ઝટકા અનુભવાયા. ભૂકંપથી ઘરમાં રહેલા પંખા હલી ગયા અને લોકો ઘરની બહાર મેદાનમાં દોડી આવ્યા. અસમ, નાગાલેન્ડ, અરુણાચલપ્રદેશ અને મણિપુરમાં પણ ભૂકંપના આંચકા અનુભવાયા. નેશનલ સિસ્મોલોજી સેન્ટરના નિદેશક વિનીત ગહલોતે એક ચેનલને જણાવ્યું કે, ભૂકંપ જમીનની સપાટીથી લગભગ 10-12 કિલોમીટર નીચે આવ્યો હતો.

જમ્મૂ-કાશ્મીર, હરિયાણામાં પણ ભૂકંપ

આ સિવાય બુધવારે જ જમ્મૂ-કાશ્મીર અને હરિયાણામાં પણ ભૂકંપના ઝટકા અનુભવાયા. કાશ્મીરમાં ભૂકંપની તીવ્રતા 4.6 હતી. ભૂકંપના કારણે કોઈપણ પ્રકારની જાનહાનિ થયાના અહેવાલ નથી. કાશ્મીરમાં સવારે સવા પાંચ વાગ્યે ભૂકંપ આવ્યો અને થોડીવારમાં આશરે પોણા છ વાગ્યે હરિયાણાના ઝજ્જર જિલ્લામાં 3.1ની તીવ્રતાનો ભૂકંપ આવ્યો.

લોકોમાં ભય

બિહારના કટિહારમાં 30 સેકંડ સુધી ભૂકંપના આંચકા અનુભવાયા. રાજધાની પટનામાં ભૂકંપ બાદ લોકોમાં ભય જોવા મળ્યો. આ ભૂકંપે 3 વર્ષ પહેલા આવેલા ભૂકંપની યાદ તાજી કરાવી.