ચહેરા પર થતી સફેદ ફોલ્લીઓને ખીલ ગણવાની ભૂલ ન કરશો

સફેદ ફોલ્લીઓ ખીલ નથી

જો તમને પણ ચહેરા પર થતી સફેદ ફોલ્લીઓ દેખાય તો સમજી જજો કે એ કોઈ ખીલ નથી. આવી ફોલ્લીઓ દેખાવી એ તમારા સ્વાસ્થ્ય માટે મુસીબત સર્જી શકે છે. આવી ફોલ્લીઓ પહેલા જોવામાં તો સામાન્ય લાગે છે. જેથી અનેક લોકો તેને ખીલ સમજી લે છે. સામાન્ય રીતે આવી ફોલ્લીઓ તરત જ જન્મેલા બાળકોમાં જોવા મળે છે.

શું હોય છે milia?

આ ફોલ્લીઓ પહેલા સફેદ પછી પીળાશ પડતી દેખાય છે. આ ફોલ્લીઓ Milia તરીકે ઓળખાય છે. આ ફોલ્લીઓમાં ચામડીની અંદર કેરોટીન ભરાઈ જાય છે. કેરાટીન એ માથાની ચામડીમાં મળી આવતું તત્વ છે. જે નખ, ચામડી અને વાળને વધવા માટે મદદ કરે છે.

આ અંગો પર દેખાય છે

આ ફોલ્લીઓને ચામડી અને ઉંમર સાથે કંઈ જ લેવાદેવા નથી. સામાન્ય રીતે આવી ફોલ્લીઓ ચહેરા, આંખ અને નાક પર જોવા મળે છે.

તે શા માટે દેખાય છે?

સામાન્ય રીતે મિલિયા થવા પાછળ અનેક કારણો જવાબદાર હોય છે. જ્યારે કેરાટીન એક જગ્યાએ જમા થઈ જાય ત્યારે નાના બબલ રુપે દેખાય જાય છે. ચામડીના મૃત કોષોમાં કચરો ભરાઈ જાય છે ત્યારે આ ફોલ્લીઓ થવાની શક્યતા રહે છે. મિલિયાને કારણે ચામડીમાં બળે છે અને ખંજવાળ પણ આવે છે.

આવું ન થાય તે માટે શું કરવું?

આ ફોલ્લીઓ કોઈને પણ ગમે ત્યારે થઈ શકે છે. જો આ ફોલ્લીઓ થાય તો તેને વધુ થતી અટકાવવા માટે તમારે તેને વારંવાર અડકવું ન જોઈએ. આવું કરવાથી તમારી સ્કિન પર માત્ર ડાઘ અને ધબ્બા જ થશે. આ જ કારણે તમારે પ્રોફેશનલ સ્કિન એક્સપર્ટની મદદ લેવી જોઈએ.

કેવી રીતે બચવું જોઈએ

આવી ફોલ્લીઓ ન થાય તે માટેનો એક ઉપાય છે સર્જરી કરાવવી. આ સર્જરી એકદમ દર્દ વગરની હોય છે. તેમાં કોઈપણ પ્રકારનું દર્દ થતું નથી કે ઈજા થતી નથી. સ્કિન એક્સપર્ટ માત્ર એક નાની એવી સોયથી જ આ કામ પાર પાડી શકે છે. આ ઉપરાંત લેસર ટ્રીટમેન્ટ પણ તમને ખૂબ મદદ કરી શકે છે.