હજુ પણ પીછો નથી છોડતું બોલ ટેમ્પરિંગ પ્રકરણ
ઑસ્ટ્રેલિયાએ આ વર્ષે દક્ષિણ આફ્રિકા વિરુદ્ધ બોલ ટેમ્પરિંગ પ્રકરણ બાદ નવા યુગની શરૂઆત કરતા પાંચ એવા ખેલાડીઓને ટીમમાં સ્થાન આપ્યું છે જેમને ટેસ્ટ ક્રિકેટનો કોઈ જ અનુભવ નથી. બૉલ ટેમ્પરિંગમાં સંડોવણી બદલ કેપ્ટન સ્ટિવ સ્મિથ, ડેવિડ વૉર્નર અને કેમરુન બેનક્રૉફ્ટને સસ્પેન્ડ કર્યા બાદ ટીમ સિલેક્ટર્સે પ્રથમવાર ટીમની પસંદગી કરી છે.
ઘણા દાયકા બાદ ઓસ્ટ્રેલિયા સૌથી નબળી સ્થિતિમાં
આ ઉપરાંત ફાસ્ટ બોલર જૉશ હેઝલવુડ અને પેટ કમિંન્સ પણ UAEમાં પાકિસ્તાન સામેની બે ટેસ્ટ મેચની સીરીઝમાં રમી શકશે નહીં, જેને લીધે છેલ્લા ઘણા વર્ષોમાં આ ઑસ્ટ્રેલિયાની સૌથી નબળી ટીમ દેખાઈ રહી છે.
આ પાંચ ખેલાડીઓને મળશે ડેબ્યૂ કરવાનો ચાન્સ
ઑસ્ટ્રેલિયન ટીમમાં જે ખેલાડીઓ ટેસ્ટ ડેબ્યૂ કરવાનો ચાન્સ મળી શકે છે તેમાં ક્વીન્સલેન્ડનો માઈકલ નેસેર, બ્રેન્ડન ડોગેટ અને માર્નસ લાબુશેન, ટ્રેવિસ હેડ અને એરોન ફિન્ચ શામેલ છે. પાકિસ્તાન વિરુદ્ધ દુબઈમાં 7 ઑક્ટોબરે પ્રથમ જ્યારે 16 ઑક્ટોબરે અબુધાબીમાં બીજી ટેસ્ટ રમાશે.
પાકિસ્તાન સીરીઝ માટે ઑસ્ટ્રેલિયન ટીમ
પાકિસ્તાન સામેની ટેસ્ટ સીરીઝ માટે ઑસ્ટ્રેલિયન ટીમ આ પ્રકારે છે. ટિમ પેન (કેપ્ટન), એસ્ટોન એગર, બ્રેન્ડન ડોગેટ, એરોન ફિન્ચ, ટ્રેવિસ હેડ, જૉન હોલેન્ડ, ઉસ્માન ખ્વાજા, માર્નસ લાબુશેન, નાથન લિયોન, મિશેલ માર્શ, શૉન માર્શ, માઈકલ નેસેર, મેથ્યૂ રેનશૉ, પીટર સિડલ અને મિચેલ સ્ટાર્ક.
No comments:
New comments are not allowed.