પંચર કરનારો આસિફ બન્યો આશુ ગુરુજી, આજે છે કરોડોનો આસામી!

વધુ એક બાબા સામે રેપનો આરોપ

મહિલા અને તેની 16 વર્ષની દીકરીના ગેંગરેપના આરોપી સ્વયંભૂ બાબા આશભાઇ અંગે એક પછી એક નવા ખુલાસા થઇ રહ્યાં છે. દિલ્હીના પોશ વિસ્તાર હૌજ ખાસમાં આશ્રમ બનાવનાર આશુબાબા નામ બદલીને લોકો સાથે છેતરપિંડી કરતો હતો. આશુ બાબાનું અસલી નામ આસિફ ખાન છે, પરંતુ જ્યોતિષી બની કમાણીના ઈરાદાથી નામ બદલીને આશુ ભાઇ બની ગયો હતો. એટલું જ નહીં તેઓ લોકોને કર્મકાંડના નામ પર મોટી રકમ પણ ચાઉં કરી જોતો. આજે આશુભાઇ ગુરૂજીના નામે કરોડોની સંપત્તિ હોવાની પણ ચર્ચા છે.

સાચું નામ છે આસિફખાન

સૂત્રોના મતે સોમવારના રોજ પોલીસની તરફથી FIR નોંધાવ્યા બાદથી જ આસિફ ખાન ફરાર થઇ ગયો છે. આસિફખાન આશુબાબા બની લોકોને ઠગવાની સફર પણ એક રસપ્રદ વાર્તા જેવી છે. 1990ની શરૂઆતમાં તે વજીરપુરની જેજે કોલોનીમાં એક સાઇકલ રિપેરિંગની દુકાન ચલાવતો હતો. તેના થોડાક દિવસ બાદ તે ઉત્તર દિલ્હીના સરાયા રોહિલ્લા વિસ્તારમાં આવ્યો અને ત્યાં જ્યોતિષી તરીકે કામ કરવા લાગ્યા. થોડા સમયમાં તો લોકો તેના અનુયાયી બનવા લાગ્યા.

લોકોની મુશ્કેલીઓ દૂર કરવાના દાવાઓ

થોડા સમય બાદ આસિફ ખાને પોતાની દુકાન બંધ કરી દીધી અને નામ કમાવા માટે ટેલિવિઝન ચેનલોના સંપર્કમાં આવ્યો. ટીવી કાર્યક્રમોમાં તે લોકોના ખરાબ નસીબને દૂર કરવાનો દાવો કરતો હતો. પોતાના પ્રમોશનલ વીડિયોમાં તે ટ્રક ડ્રાઇવર અને રિક્ષાવાળાને પોતાના આશીર્વાદથી લખપતિ બનાવાનો દાવો કર્યા કરતો હતો. તેના લીધે હરિયાણા અને યુપીમાં પણ તેના અનુયાયી વધતા ગયા.

આશુબાબા સાથે મુલાકાત કરવાનો ચાર્જ 25000

દિલ્હીના પહાડગંજની જ બે મહિલાઓએ મંગળવારના રોજ આક્ષેપ કર્યો હતો કે ચેનલ પર આશુબાબાને જોયા બાદ તેના અનુયાયી થયા હતા. તેમને જ્યારે તેની મુલાકાત કરવાની ઇચ્છા વ્યક્ત કરી તો પહેલી મીટિંગની ફી 25000 રૂપિયા જણાવી હતી. એક મહિલાએ કહ્યું કે અમે તેમની હૌજ ખાસમાં આવેલ આશ્રમમાં મુલાકાત કરવા માટે ગયા હતા. પરંતુ એ સમયે જ અમને ઝાટકો લાગ્યો, જ્યારે ખબર પડી કે તેમની વિરૂદ્ધ પોલીસે કેસ નોંધેલો છે.