જૂના ઘરે પહોંચ્યા સ્મૃતિ
કેન્દ્રીય મંત્રી સ્મૃતિ ઈરાનીએ પોતાના ટ્વિટર હેન્ડલ પર એક વીડિયો શેર કર્યો છે. ઉલ્લેખનીય છે કે સ્મૃતિ ઈરાની 35 વર્ષ પહેલા ગુરુગ્રામમાં જે ભાડાના ઘરમાં રહેતા હતા ત્યાં પહોંચ્યા હતે અને જૂની યાદો વાગોળી હતી. તે સમયનો વીડિયો તેમણે સોશિયલ મીડિયા પર શેર કર્યો છે.ભાવુક થઈ ગયા
સ્મૃતિ ઈરાની જ્યાં રહેતા હતા ત્યાં હવે વર્કશોપ બની ગઈ છે. પોતાના ઘરના સ્થાને આ રીતે વર્કશોપને જોઈને સ્મૃતિ ઈરાની ઘણાં ભાવુક થઈ ગયા હતા. તે પોતાના જુના પાડોશીને જણાવે છે કે, મને લાગ્યુ કે અહીં ઘર હશે, પરંતુ અહીં માત્ર જૂની યાદો જ છે. આમ કહીને તે ચોધાર આંસુએ રડી પડે છે.
જૂની વાતો યાદ કરી
સ્મૃતિ પોતાના જુના પાડોશીઓને મળે છે અને જૂની વાતો યાદ કરે છે. સ્મૃતિ જણાવે છે કે, જ્યારે તેમના મમ્મી તેમને કચરા-પોતા કરવાનું કહેતા ત્યારે આ ઘર ઘણું જ મોટુ લાગતુ હતુ. આ સિવાય તે યાદ કરે છે કે કઈ રીતે તેમની ભૂલને કારણે સ્ટોર રુમમાં આગ લાગી ગઈ હતી.
‘આજે મારી પાસે પૈસા છે…’
સ્મૃતિ પોતાના પાડોશીઓ સાથે એક દુકાનમાં ગયા. અહીં પહોંચીને તેમણે કહ્યું કે, મને એક ડૉલ પસંદ હતી જેની કિંમત 130 રુપિયા હતી. પરંતુ તે સમયે તેમની પાસે ડૉલ ખરીદવાના પૈસા નહોતા. સ્મૃતિએ દુકાનદારને કહ્યું કે, આજે મારી પાસે પૈસા છે, મને ડૉલ આપો.
જુઓ, વીડિયો
— Smriti Z Irani (@smritiirani) September 14, 2018
ઉલ્લેખનીય છે કે સ્મૃતિના ઘરનો આ વીડિયો એકતા કપૂરની નવી વેબ સીરિઝ ‘હોમ’ના પ્રમોશનનો ભાગ છે. પ્રમોશન અંતર્ગત સેલિબ્રિટી પોતાના જૂના ઘર સાથે જોડાયેલી યાદો શેર કરે છે.
No comments:
New comments are not allowed.