અભિષેકની આ તસવીરમાં જોવા મળ્યો ગજબનો સંયોગ

અભિષેકે ઈન્સ્ટાગ્રામ પર શેર કર્યો બે તસવીરોનો કોલાજ

અભિષેક બચ્ચની તાજેતરમાં ઈન્સ્ટાગ્રામ સ્ટોરીમાં એક એવો સંયોગ જોવા મળ્યો, જેને જોઈને તમે આશ્ચર્યમાં મૂકાઈ જશો. તાજેતરમાં જ અભિષેકે પોતાની ઈન્સ્ટાગ્રામ સ્ટોરીમાં બે તસવીરોનો એક કોલાજ શેર કર્યો છે. એક તસવીરમાં અભિષેક બચ્ચન વિકી કૌશલની સાથે પોઝ આપી રહ્યો છે. તો, બીજી તસવીરમાં અભિષેકના પિતા અમિતાભ બચ્ચને વિકી કૌશલના પિતા શામ કૌશલની સાથે પોઝ આપી રહ્યા છે.

આ પણ વાંચોઃ મૂવી રિવ્યૂ : મનમર્ઝિયા

ખરેખર યાદગાર છે આ તસવીર

ઈન્ડસ્ટ્રીમાં અમિતાભ અને શામ કૌશલ ઘણી વખત સાથે કામ કરી ચૂક્યા છે અને હવે વર્ષો પછી બંનેના દીકરા એજ મુદ્રામાં સાથે જોવા મળવું દુર્લભ અને કોઈ જાદુ જેવું છે.

‘મનમર્જિયા’માં વખાણાઈ રહ્યો છે અભિષેકનો રોલ

ઉલ્લેખનીય છે કે, અભિષેક બચ્ચનની નવી ફિલ્મ ‘મનમર્જિયા’માં વિકી કૌશલ તેનો કો-સ્ટાર છે. આ ફિલ્મમાં તાપસી પન્નૂ પણ લીડ રોલમાં છે. અનુરાગ કશ્યપની આ ફિલ્મ બોક્સ ઓફિસ પર સારું પ્રદર્શન કરી રહી છે. પોતાની કમબેક ફિલ્મમાં અભિષેકના પરફોર્મન્સની ઘણી પ્રશંસા થઈ રહી છે.

બે દિવસામાં 8 કરોડની કરી કમાણી

ફિલ્મે બોક્સ ઓફિસ પર બે દિવસમાં 8 કરોડ રૂપિયા કમાઈ લીધા છે. તો પડદા પર તેની સાથે રિલીઝ થયેલી ફિલ્મ ‘લવ સોનિયા’એ બે દિવસમાં 1 કરોડ 15 લાખની કમાણી જ કરી શકી છે.