આલીશાન રિસોર્ટમાં થશે કપિલ-ગિન્નીના લગ્ન, મહેમાનોને 100થી વધુ વાનગીઓ પીરસાશે

ટૂંક સમયમાં કરશે લગ્નઃ

કપિલ શર્મા આજકાલ પોતાના શોને લઈને ચર્ચામાં છે. આ ઉપરાંત એ પણ ખબર છે કે નવો શો શરૂ કરતા પહેલા જ તે ગર્લફ્રેન્ડ ગિન્ની ચતરાથ સાથે લગ્ન કરી લેશે. હવે તેમના લગ્નને લગતી ડિટેલ્સ બહાર આવી છે.

લગ્નની ધામધૂમથી તૈયારી ચાલી રહી છેઃ

એક તરફ કપિલ પોતાના શોની તૈયારી કરી રહ્યો છે ત્યાં બીજી બાજુ તેનો પરિવાર લગ્નની તૈયારીમાં વ્યસ્ત છે. કપિલ ઈચ્છે છે કે તેના લગ્ન નવો શો લોન્ચ થાય પછી જ થાય. પણ મિત્રોનું કહેવું છે કે કપિલનો પરિવાર જલ્દી બંને પરણી જાય તેવુ ઈચ્છે છે.

કપિલે આપ્યુ હતુ પ્રોમિસઃ

કપિલે ગિન્નીને પ્રોમિસ આપ્યુ હતુ કે તે વર્ષ પૂરુ થતા સુધીમાં લગ્ન કરી લેશે. ફેમિલીને પણ તેણે આ જ વાત કરી હતી પરંતુ હવે તેનો શો આવવાનો હોવાથી તેનો મૂડ બદલાઈ ગયો છે. તેણે ગિન્નીના ફેમિલીને આવતા વર્ષ સુધી રાહ જોવા કહ્યું છે.

આ કારણે કરશે વહેલા લગ્નઃ

ગિન્નીના પિતાની તબિયત લથડી જતા બંનેએ વહેલા લગ્ન કરવાનો નિર્ણય લીધો છે. લગ્ન જલંધરમાં થશે. આ માટે જલંધરના કબાના રિસોર્ટને બુક કરવામાં આવ્યો છે. 2 આખા દિવસ માટે રિસોર્ટ બુક છે. કપિલ ખૂબ જ લેવિશ રીતે લગ્ન કરવા માંગે છે.

આ રીતિ-રિવાજથી લગ્ન થશેઃ

રિસોર્ટમાં મહેંદી, સંગીત, લગ્ન અને નાનકડુ રિસેપ્શન થશે. લગ્નની વિધિ રાત્રે થશે. કપિલે પોતાના લગ્ન માટે અમિતાભ બચ્ચન, શાહરૂખ ખાન, અક્ષય કુમાર, દીપિકા પાદુકોણ જેવા સ્ટાર્સને આમંત્રણ આપ્યું છે. અત્યાર સુધી 150થી 200 ગેસ્ટનું લિસ્ટ તૈયાર થઈ ગયુ છે.

ભોજન સમારંભ પાછળ આટલો ખર્ચઃ

રિપોર્ટ્સ અનુસાર કપિલના ભોજન સમારંભ પાછળ 15 લાખથી વધુનો ખર્ચ થશે. વેજ અને નોનવેજ બંને પ્રકારના ફૂડ સર્વ કરવામાં આવશે. પંજાબી ફૂડ ઉપરાંત 100થી વધુ પકવાન પીરસવામાં આવશે. લગ્ન પછી કપિલ ગિન્ની શાનદાર રિસેપ્શન આપશે.

મુંબઈમાં પણ રિસેપ્શનઃ

રિસેપ્શન અમૃતસરમાં થશે. તેમાં કપિલના પરિવારજનો અને નજીકના મિત્રો શામેલ થશે. આ ઉપરાંત 14 ડિસેમ્બરે મુંબઈમાં રિસેપ્શન થશે. લગ્નનું શિડ્યુલ ઘણું હેક્ટિક હશે પણ કપિલનો પરિવાર તેમાં મોડુ કરવા નથી માંગતો.

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat https://ift.tt/2PnGK19