બાયોપિકમાં રિયલ લાઈફ બેડમિન્ટન પ્લેયર સાથે રોમાન્સ કરશે શ્રદ્ધા કપૂર

ઈશાન નકવી સાથે રોમાન્સ કરશે શ્રદ્ધા

આખરે શ્રદ્ધા કપૂરને પોતાનો જીવનસાથી મળી જ ગયો. અહીં રિયલ લાઈફ નહીં રીલ લાઈફની વાત કરવામાં આવી રહી છે. શ્રદ્ધા કપૂર આજકાલ બેડમિન્ટન પ્લેયર સાઈના નહેવાલની બાયોપિકમાં કામ કરી રહી છે. આ ફિલ્મમાં શ્રદ્ધા બેડમિન્ટન પ્લેયર અને મ્યૂઝિશિયન ઈશાન નકવી સાથે રોમાન્સ કરતી જોવા મળશે.

શ્રદ્ધાને બેડમિન્ટન શીખવે છે ઈશાન

રસપ્રદ બાબત એ છે કે ઈશાન છેલ્લા ઘણા મહિનાથી શ્રદ્ધાને આ ફિલ્મ માટે બેડમિન્ટન શીખવી રહ્યો છે. ફિલ્મ પ્રોડ્યુસર ભૂષણ કુમારે પણ આ વાત કન્ફર્મ કરતાં કહ્યું કે, બાયોપિકમાં શ્રદ્ધાની ઓપોઝિટ ઈશાન જોવા મળશે.

ઈશાન પાસેથી ઘણું શીખવા મળ્યું: શ્રદ્ધા

તાજેતરમાં જ શ્રદ્ધાએ અમારા સહયોગી મુંબઈ મિરર સાથેની વાતચીતમાં જણાવ્યું કે, તે દરરોજ સવારે 6 વાગ્યાથી બેડમિન્ટન ક્લાસમાં જાય છે અને તેને કોચ ઈશાન નકવી પાસેથી ઘણું શીખવા મળ્યું છે. ખાસ વાત એ છે કે, થોડા દિવસો પહેલા જ સાઈના નહેવાલે અનાઉન્સમેન્ટ કર્યું હતું કે, તે આગામી 16 ડિસેમ્બરે શટલર પી. કશ્યપ સાથે લગ્ન કરશે. સાઈના અને પી. કશ્યપ 2007થી એકબીજાને ડેટ કરે છે.

સાઈના-પી.કશ્યપની લવસ્ટોરી બતાવાશે

સાઈનાની આ જ લવસ્ટોરીને ફિલ્મમાં દર્શાવવામાં આવશે. સૂત્રોના મતે અમોલ ગુપ્તે એવા ચહેરાની શોધમાં હતા જે ફિલ્મમાં શ્રદ્ધાની ઓપોઝિટ સારો લાગે અને બેડમિન્ટન પ્લેયરના રોલમાં પણ ફિટ થાય. અમોલ ઈશાન નકવીથી એટલા પ્રભાવિત થયા કે તેને શ્રદ્ધાની ઓપોઝિટ સાઈન કરી લીધો.

from Page Array – I Am Gujarat https://ift.tt/2SaCH73