20 નવેમ્બરે આવશે સેમસંગનો 4 કેમેરાવાળો સ્માર્ટફોન, આટલી હશે કિંમત

આવી રહ્યો છે ચાર કેમેરાવાળો ફોન

નવી દિલ્હી: સેમસંગે આખરે પોતાના ચાર રિઅર કેમેરાવાળા ગેલેક્સી A9 (2018) સ્માર્ટફોનની લોન્ચ ડેટનો ખુલાસો કરી દીધો છે. આ ફોન ભારતમાં 20 નવેમ્બરે લોન્ચ થશે. તેને મલેશિયામાં યોજાયેલી એક ઈવેન્ટમાં લોન્ચ કરવામાં આવ્યો હતો. ગેલેક્સી A9ની 40,000 રુપિયાથી નીચેની કેટેગરીમાં લોન્ચ કરાય તેવી શક્યતા છે.
અમારા ન્યૂઝ Whatsapp પર મેળવવા માટે ક્લિક કરો

ડોલ્બી, સરાઉન્ડ સાઉન્ડ

આ ફોનની ખાસિયતોની વાત કરીએ તો તેમાં ચાર રિઅર કેમેરા, સુપર એમોલેડ ઈનફિનિટી ડિસ્પ્લે, ડોલ્બી એટમોસ સરાઉન્ડ સાઉન્ડ જેવા ફીચર્સ સામેલ છે. તેને ત્રણ રંગોમાં લોન્ચ કરવામાં આવશે. ગેલેક્સી A9ના 6 જીબી રેમ અને 128 જીબી ઈનબિસ્ટ સ્ટોરેજવાળા વેરિયંટની કિંમત રુ. 39,000 હોઈ શકે છે.

ત્રણ કલર્સમાં ઉપલબ્ધ

આ ફોન લેમનેડ બ્લૂ, બબલગમ પિંક અને કેવિયર બ્લેક કલરમાં ઉપલબ્ધ હશે. કંપની દ્વારા મોકલાયેલા મીડિયા ઈનવાઈટમાં ખુલાસો થયો છે કે આ ફોનને દિલ્હી/એનસીઆરમાં આયોજીત એક ઈવેન્ટમાં લોન્ચ કરવામાં આવશે. મહત્વનું છે કે, સેમસંગે હાલમાં જ ત્રણ રિયર કેમેરાવાળા પોતાના સ્માર્ટફોન ગેલેક્સી એ7ને લોન્ચ કર્યો છે.

6.3 ઈંચની ડિસ્પ્લે

ગેલેક્સી A9માં અપાયેલા ચાર કેમેરામાં 24+5+8+10 મેગાપિક્સલના સેન્સર્સ આવે છે. ફોનમાં સેલ્ફી માટે 24 મેગાપિક્સલનો કેમેરા છે. તેમાં 6.3 ઈંચ ફુલ એચડી+સુપ એમોલેડ ઈનફિનિટી ડિસ્પ્લે છે. આ ફોન એન્ડ્રોઈડ 8.0 ઓરિયો પર કામ કરે છે. તેમાં 2.2 ગીગાહર્ટ્ઝ પર ચાલતું સ્નેપડ્રેગન 660 પ્રોસેસર છે.

મેમરી 512 જીબી સુધી વધારી શકાય છે

સેમસંગનો આ લેટેસ્ટ ફોન 6 જીબી રેમ અને 128 જીબી ઈન્ટરનલ સ્ટોરેજ સાથે આવે છે. તેની મેમરીને 512 જીબી સુધી એક્સપાન્ડ કરી શકાય છે. તેની બેટરીની કેપેસિટી 3800mAh છે, અને તે ફાસ્ટ ચાર્જિંગને પણ સપોર્ટ કરે છે.