રેમન્ડના 20 એકરના પ્લોટ માટે પડાપડી

66707189

કૈલાશ બાબર

મુંબઈ:મુંબઈના સેટેલાઇટ ટાઉન થાણે ખાતે રેમન્ડના 20 એકરની જમીન પર કેનેડા પેન્શન પ્લાન ઇન્વેસ્ટમેન્ટ બોર્ડ (સીપીપીઆઇબી) ઝાન્ડર જૂથ, ફોનિક્સ મિલ્સ, પ્રેસ્ટિજ એસ્ટેટસ્, અશ્વિન શેઠ ગ્રૂપ અને પુર્વાન્કારા પ્રોજેક્ટ્સની નજર છે, એમ આ અંગે સીધી જાણકારી ધરાવતી વ્યક્તિએ ઇટીને જણાવ્યું હતું. વૈશ્વિક સંસ્થાકીય રોકાણકારો અને પ્રોપર્ટી ડેવલપરોને થાણેના કેડબરી જંક્શન ખાતે આવેલા 125 એકરના લેન્ડ પાર્સલના આ હિસ્સામાં રસ છે.

ખરીદદારના સંદર્ભમાં જોઈએ તો સીપીપાઇબીએ ભાગીદાર ફોનિક્સ મિલ્સ સાથે જમીનનું પાર્સલ ખરીદવામાં રસ દાખવ્યો છે. આ સોદો થાય તો તે 650થી 750 કરોડમાં થાય તેમ મનાય છે, થાણેમાં થયેલા છેલ્લા કેટલાક સોદાના આધારે આ મૂલ્ય અંકાયું છે. છેલ્લાં આઠ વર્ષ દરમિયાન રેમન્ડ 125 એકરના લેન્ડ પાર્સલ પર રિયલ્ટી પ્રોજેક્ટ સંયુક્ત રીતે વિકસાવવા અથવા તો તેને જુદા-જુદા ટુકડામાં વેચવા મીટ માંડી રહી છે. તેમાં 20 એકરના પ્લોટનું પ્રથમ વેચાણ કરવામાં આવશે.

આ ફ્રી-હોલ્ડ ઇન્ડસ્ટ્રિયલ લેન્ડ પાર્સલનો ઉપયોગ રહેણાક તથા રિટેલ કે કોમર્શિયલ ડેવલપમેન્ટ માટે કરવામાં આવશે, એમ ઇટીના ઓફર ડોક્યુમેન્ટ દર્શાવે છે. રસ ધરાવતા એકમો ડ્યૂ ડિલિજન્સ શરૂ કરશે અને ટૂંક સમયમાં નાણાકીય બિડ કરશે.

રેમન્ડ અને સીપીપીઆઇબીએ આના પર ટિપ્પણી કરવાનો ઇન્કાર કર્યો છે. આ અંગે ઝાન્ડર જૂથ, ફોનિક્સ મિલ્સ, પ્રેસ્ટિજ એસ્ટેટ્સ અને પુર્વાન્કારા પ્રોજેક્ટ્સને મોકલવામાં આવેલા સવાલો અનુત્તરીત રહ્યા છે, જ્યારે અશ્વિન શેઠ જૂથનો આ અહેવાલ પ્રકાશિત થયો ત્યાં સુધી સંપર્ક થઈ શક્યો નથી.

એપ્રિલમાં રેમન્ડે જાહેરાત કરી હતી કે તેના બોર્ડે રહેણાકના હેતુ માટે 20 એકર જમીન વિકસાવવા મંજૂરી આપી છે. પ્રોજેક્ટને પાંચથી છ વર્ષ માટે વિકસાવવામાં આવશે અને તેની સાથે 2018-’19 માટે તેનો મૂડીખર્ચ ₹300 કરોડ અંદાજાયો છે.

કંપનીએ તેના માટે જરૂરી બધી નિયમનતંત્રની મંજૂરીઓ મેળવી લીધી છે: આ સિવાય બાંધકામ માટેની પ્રવૃત્તિઓની પ્રક્રિયા ચાલુ છે. રેમન્ડના એકમ જેકે ઇન્વેસ્ટો ટ્રેડ ઇન્ડિયાની માલિકીની જમીનના આ ટુકડો (asis-where-is basis) જેમ છે તેમ યથાવત્ સ્થિતિમાં અને (as-iswhat-is-basis) હાલમાં છે તે મુજબ ખરીદશે, આનો અર્થ એમ થાય કે કોઈ પણ પ્રકારની મંજૂરીની જવાબદારી તેની રહેશે.

આ લેન્ડ પાર્સલમાંથી 32 લાખ ચોરસ ફૂટનું ડેવલપમેન્ટ થઈ શકવાની સંભાવના છે. પ્રોપર્ટી કન્સલ્ટન્ટના જણાવ્યા મુજબ હાલમાં અહીં પ્રતિ ચોરસ ફૂટ ₹10,000 અને ₹12,500નો ભાવ છે. ઓક્ટોબર 2010માં રેમન્ડે થાણે એકમ માટે તેના 2,000 કર્મચારીઓના કામદાર સંઘ સાથે કોર્ટ બહાર પતાવટ કરી હતી.

આ યુનિયનને ફેક્ટરીની જમીન પર રિયલ એસ્ટેટના ડેવલપમેન્ટ માટે મંજૂરી આપવા બદલ ₹313 કરોડ મળ્યા હતા. અહીં પહેલાં રેમન્ડનો ટેક્સટાઇલ યુનિટ હતો. આ યુનિટ 1925થી હતું. 2012માં રેમન્ડે 9.4 એકરનો પ્લોટ થાણેના ડેવલપરને વેચવાનો પ્રયત્ન કર્યો હતો, પરંતુ ખરીદદાર ભંડોળની વ્યવસ્થા ન કરી શકતાં તે ડીલ નિષ્ફળ ગઈ હતી.

]]>

from Page Array – I Am Gujarat https://ift.tt/2S82CLP