‘2.O’ જોવા જતાં નહિ કરતાં આવી ભૂલ બાકી થશે ઘોર અફસોસ

ધૂમ મચાવી રહી છે

રજનીકાંત અને અક્ષય કુમારની ‘2.O’ ધૂમ મચાવી રહી છે. આ ફિલ્મની દર્શકો લાંબા સમયથી રાહ જોતાં હતાં. બોલિવૂડની પરંપરાથી વિપરીત આ ફિલ્મ ગુરુવારે રીલિઝ થઈ હતી. આ ફિલ્મને બોક્સઓફિસ પર ધમાકેદાર રિસ્પોન્સ મળ્યો છે. જોકે, ફિલ્મમાં કેટલીક વાતો એવી પણ છે. જે તમે મિસ કરી જશો તો રુપિયા વસૂલ નહીં થાય.
અમારા ન્યૂઝ Whatsapp પર મેળવવા અહીં ક્લિક કરો

વિઝ્યુઅલ ઈફેક્ટ્સની ખરી મજા

ફિલ્મ રીલિઝ થાય તે પહેલા જ તેના શૂટિંગ સમયે રજનીકાંત અને અક્ષયકુમારનો લુક વાઈરલ થયો હતો. અક્ષય કુમાર આ ફિલ્મમાં ornithologist (પક્ષી રિસર્ચર)ના રોલમાં જોવા મળશે. આ ફિલ્મમાં વિઝ્યુઅલ ઈફેક્ટ્સનો ભરપૂર ઉપયોગ કરવામાં આવ્યો છે. આ ફિલ્મ 2Dમાં પણ રીલિઝ થઈ છે પરંતુ વિઝ્યુઅલ ઈફેક્ટ્સની ખરી મજા તો 3Dમાં જ આવશે.

શ્વાસ થંભાવી દેશે ક્લાઈમેક્સ

આ ફિલ્મના ક્લાઈમેક્સમાં પક્ષીરાજન (અક્ષયકુમાર) અને ચિટ્ટી(રજનીકાંત) વચ્ચે ફૂટબોલ સ્ટેડિયમમાં ધમાકેદાર ફાઈટ થાય છે. આ ક્લાઈમેક્સ ફાઈટ તમારો શ્વાસ થંભાવી દેશે. નોંધનીય છે કે આ ફિલ્મે ઓનલાઈન બુકિંગના તમામ રેકોર્ડ તોડ્યાં છે. ફિલ્મે ઓનલાઈન બુકિંગમાંથી રેકોર્ડતોડ 120 કરોડની કમાણી કરી છે.

ક્રેડિટ પૂરી થયા પછી આવે છે ‘છોટુ રોબોટ’

સામાન્ય રીતે એવું જોવા મળે છે કે દર્શકો ફિલ્મ પૂરી થતાં જ સીટ પરથી ઉભા થઈને થિએટરની બહાર નીકળી જાય છે. જોકે, ‘2.O’ની ક્રેડિટ પૂરી થયાં પછી પણ ચિટ્ટીનું વર્ઝન 3.O આવે છે. જેનું હ્યુમર તમને મજા કરાવી દેશે. આથી જો તમે એન્ડ ક્રેડિટ પછી થિયેટરમાં રહેશો તો જ તમને ‘છોટુ રોબોટ’ની અસલી મજા જોવા મળશે.

શું આવશે ત્રીજો ભાગ?

આ એન્ડ ક્રેડિટ પછી આવતાં સીન્સને જોઈને દર્શકો અને સોશિયલ મીડિયામાં યુઝર્સ વચ્ચે ચર્ચા જામી છે કે ફિલ્મનો ત્રીજો ભાગ આવશે કે નહિ. નોંધનીય છે કે હોલિવૂડની ફિલ્મ્સમાં પણ ક્રેડિટ પૂરી થયાં પછી કેટલાક સીન્સ આવતાં હોય છે. જે ત્યારપછીના બીજા ભાગની થોડી ઝલક આપતાં હોય છે. તાજેતરની વેબ સીરિઝ ‘મિરઝાપુર’માં પણ આવું જ જોવા મળ્યું હતું.