શિયાળામાં વાળ ખરે તો ટેન્શન ના લો, આ 5 ઘરેલુ ઉપચારથી સમસ્યા દૂર થશે

શિયાળામાં ખરે છે વાળ?

શિયાળામાં સ્કીન ખૂબ ડ્રાય થઈ જાય છે જેના કારણે હેરફોલની સમસ્યા ઊભી થાય છે. ઠંડીની ઋતુમાં મોટાભાગના લોકો વાળ ખરવાની સમસ્યાથી પરેશાન થાય છે. એટલે જ આ ઋતુમાં વાળની ખાસ કાળજી રાખવી જરૂરી છે. જો શિયાળામાં વાળનું ખાસ ધ્યાન રાખવામાં આવે તો વાળની વૃદ્ધિ સારી થાય છે. મજબૂત અને જાડા વાળ માટે કેટલાક આયુર્વેદિક ઉપચાર શિયાળામાં વધુ ફાયદાકારક હોય છે.

લીમડાના પાન

ઠંડીની ઋતુમાં વાળમાં વિવિધ સમસ્યાઓ થાય છે. સૌથી વધુ થતી સમસ્યા છે વાળ ડ્રાય થવાની. એવામાં લીમડાના પાનનો ઉપયોગ કરવાથી ફાયદો થાય છે. લીમડાના પાનમાં વાળની ગુણવત્તા વધારવાના ગુણો હોય છે.

લેવેન્ડર

લેવેન્ડરમાં એન્ટી ઈન્ફ્લેમેટ્રી અને એન્ટી-માઈક્રોબિયલ ગુણ હોય છે, જે હેરફોલ ઘટાડવામાં મદદ કરે છે. સાથે જ વાળને મજબૂતી પણ આપે છે. લેવેન્ડરમાં રહેલા એન્ટી-રેપલેન્ટ ગુણ હોય છે જે વાળમાંથી જૂ દૂર કરે છે. આના તેલથી લાંબા થાય છે.

આંબળા

આંબળામાં વિટામિન સી અને એન્ટી-ઓક્સિડન્ટનું પ્રમાણ વધારે હોય છે, જે કોલેજનના ઉત્પાદન માટે લાભદાયી છે. કોલેજનથી વાળની વૃદ્ધિ થાય છે. આંબળાા પાઉડરમાં પાણી ઉમેરીને વાળમાં લગાવો. અડધો કલાક આ મિશ્રણ લગાવીને ઠંડા પાણીથી વાળ ધોઈ લો.

મેથી

મેથી એક કંડિશનર તરીકે કામ કરે છે. મેથીમાં એન્ટી-ફંગલ અને એન્ટી-ઓક્સિડંટ ગુણો રહેલા છે, મેથી, આંબલા, શિકાકાઈ અને મહેંદીની પેસ્ટ તૈયાર કરીને વાળમાં લગાવો. અડધો કલાક બાદ ઠંડા પાણીથી વાળ ધોઈ લો.

મહેંદી

મહેંદીમાં એન્ટી-બેક્ટેરિયલ, એન્ટી-માયક્રોબિયલ અને એસ્ટ્રીજન્ટના ગુણ હોય છે જેનાથી વાળ સારા થાય છે. મહેંદી પાઉડરમાં પાણી ઉમેરીને પેસ્ટ તૈયાર કરીને અડધો કલાક વાળમાં લગાવી રાખો. પછી વાળ પાણીથી ધોઈ નાખો.