BCCI પર પાકિસ્તાનનો 500 કરોડનો દાવો ફગાવાયો

ICCની ડિસ્પ્યૂટ પેનલે પાકનો દાવો ફગાવ્યો

કે. શ્રીનિવાસ રાવ, મુંબઈ : ઈન્ટરનેશનલ ક્રિકેટ કાઉન્સિલ (ICC)ની વિવાદ નિવારણ પેનલે મંગળવારે BCCI વિરુદ્ધ પાકિસ્તાન ક્રિકેટ બોર્ડ (PCB)ના વળતરના દાવાને ફગાવી દીધો છે. PCBએ ભારતીય ક્રિકેટ બોર્ડ પર દ્વિપક્ષીય સીરીઝ સાથે જોડાયેલા સહમતિ પત્ર (MOU)નું સન્માન ન કરવાનો આરોપ લગાવ્યો હતો. PCBએ ગત વર્ષે ‘ભારે નુકસાન’ નો હવાલો આપતા ICC સક્ષણ સત્તાવાર ફરિયાદ નોંધાવી હતી. આ પ્રક્રિયામાં પીસીબીએ બીસીસીઆઈને 70 મિલિયન ડૉલર (500 કરોડ રૂપિયા)ના નુકસાનના વળતરની માગણી કરી હતી.

અમારા ન્યૂઝ Whatsapp પર મેળવવા માટે અહી ક્લિક કરો

2015થી2023 સુધી 6 સીરીઝ રમવાની હતી

ICCએ પોતાના ઑફિશિયલ ટ્વીટ પર લખ્યું, ‘વિવાદ નિવારણ પેનલે BCCI વિરુદ્ધ પાકિસ્તાનના કેસને ફગાવી દીધો છે.’ PCBએ બીસીસીઆઈ પર MOU અંતર્ગત 2015થી 2023 દરમિયાન 6 દ્વિપક્ષીય સીરીઝ રમવાની શરતનું ઉલ્લંઘન કર્યું હોઈ તેના વળતરપેટે 500 કરોડ રૂપિયાની માગણી કરી હતી. ICCની આ પેનલની અધ્યક્ષતા ઈંગ્લેન્ડના બેરિસ્ટર માઈકલ બેલોફ ક્યૂસીએ કરી જે બ્લેકસ્ટોન ચેમ્બર્સના સભ્ય પણ છે. BCCIએ આના માટે બ્રિટનના વકીલ ઈયાન મિલ્સની મદદ લીધી. આ ઉપરાંત ઈન્ડિયન લૉ ફર્મના સિરિલ અમરચંદે પણ આમાં મદદ કરી.

ભારતય ક્રિકેટ બોર્ડે આવો જવાબ આપ્યો

BCCIએ આના જવાબમાં કહ્યું હતું કે, તે આ કથિત MOU માનવા માટે બાધ્ય નથી અને એ બાબત કોઈ મહત્વ નથી રાખતી કારણ કે, પાકિસ્તાને ભારત દ્વારા સૂચવેલા ICCના રાજસ્વ મૉડલ પર સમર્થનની પ્રતિબદ્ધતા પૂરી કરી નથી.

ભારતના પક્ષમાં રહ્યો નિર્ણય

ત્યારબાદ આઈસીસી એ PCBના વળતરના દાવા પર વિચાર કરવા માટે ત્રણ સભ્યોની વિવાદ નિવારણ સમિતિની રચના કરી. આ કેસની સુનવણી 1થી3 ઑક્ટોબર દરમિયાન ICCના મુખ્યાલયમાં થઈ. પૂર્વ વિદેશ મંત્રી સલમાન ખુર્શીદ તે વ્યક્તિઓમાં શામેલ રહ્યાં જેમની સાથે સુનવણી દરમિયાન ચર્ચા થઈ. BCCIના એક ઉચ્ચ અધિકારી અનુસાર, ખુર્શીદે સુરક્ષા કારણોસર પાકિસ્તાન સાથે દ્વિપક્ષીય સીરીઝ ન રમવાના ભારતના નિર્ણયને યોગ્ય ગણાવ્યો હતો.

સલમાન ખુર્શીદે ભારતના નિર્ણયને વ્યાજબી ગણાવ્યો

ખુર્શીદ તે સમયે UPA સરકારમાં મંત્રી હતા જ્યારે ભારત અને પાકિસ્તાને એકબીજા વિરુદ્ધ દ્વિપક્ષીય સીરીઝ રમવાનું બંધ કરી દીધું હતું. BCCIના CEO રાહુલ જોહરીએ પર આ કેસમાં કાયદાકીય સહાયતા અંગે ઘણી મદદ કરી.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2zm3ANw