BCCIએ ઓસ્ટ્રેલિયા જતી ભારતીય ટીમના ગુપ્તરીતે પાડ્યા ફોટા, આવું કામ કરી રહ્યાં હતા

આવું કામ કરી રહ્યા હતા ખેલાડી

કાનપુરઃ તા. 21 નવેમ્બરથી ભારતી અને ઓસ્ટ્રેલિયા વચ્ચે ક્રિકેટજંગ શરૂ થઈ રહ્યો છે. ટીમ ઈન્ડિયા ઓસ્ટ્રેલિયાની ધરતી પર ત્રણ ટી-20, ચાર ટેસ્ટમેચ અને ત્રણ વનડે મેચ રમશે. આ માટે તમામ ખેલાડીઓ ઓસ્ટ્રેલિયા માટે રવાના થઈ રહ્યા છે. બીસીસીઆઈએ એરપોર્ટ પર મસ્તી કરતા ખેલાડીઓની કેટલીક તસવીરો ગુપ્ત રીતે કેમેરામાં કેદ કરી લીધઈ હતી. જેમાં રોહિત શર્મા અને દિનેશ કાર્તિક એકબીજા સાથે મસ્તી કરી રહ્યા છે.
અમારા ન્યૂઝ Whatsapp પર મેળવવા માટે અહીં ક્લિક કરો

આ ખેલાડીઓને કંઈ ખબર ન હતી

ટીમના કેપ્ટન વિરાટ કહોલી પણ પોતાના ચાહકો સાથે ફોટા પડાવવામાં બિઝી હતો. વિરાટનો ચાહકોએ વિરાટને ઘેરી લીધો હતો. ભારતભરમાં વિરાટના અનેક ચાહકો છે જે તેની એક ઝલક જોવા માટે પડાપડી કરે છે. જોકે, કોહલીએ પણ પોતાના ચાહકોને નિરાશ નથી કર્યા. લોકો વચ્ચે જઈને તેણે ફોટા પડાવ્યા હતા અને સેલ્ફીમાં પણ સાથ આપ્યો હતો. આ ખેલાડીઓમાં કેટલાક એવા પણ છે જેઓ આઈપેડમાં ખોવાયેલા હતા અને દુનિયાની કોઈ પરવાહ ન હતી. મનીષ પાંડે અને કૃણાલ પંડ્યા પોતાના આઈપેડમાં ખોવાયેલા હતા.

બંને ટીમ છે ફોર્મમાં

જ્યારે શિખર ધવન અને જસપ્રીત બુમરાહ તરફ કેમેરો આવતા જ તેણે શાનદાર પોઝ આપ્યા. ઓસ્ટ્રેલિયામાં મેચ રમવા માટે બંને ટીમ ખૂબ ઉત્સાહમાં છે. ટીમ ઈન્ડિયા પણ લડી લેવાના ફોર્મમાં છે. ભારતીય ટીમે તાજેતરમાં વેસ્ટ ઈન્ડિઝની ટીમને ટી-20 ફોર્મેટમાં પરાજય આપ્યો હતો. જોકે, વિરાટની ગેરહાજરી હોવા છતાં પણ ટીમના ખેલાડીઓએ બીજી જીતી લીધી હતી. જોકે, ખેલાડીઓનું આવું પ્રદર્શન ઓસ્ટ્રેલિયાની ધરતી પર જોવા મળશે એવી આશા વ્યક્ત કરવામાં આવી રહી છે.

ઓસ્ટ્રેલિયા સામે રેકોર્ડ

ભારતનો ટી-20માં ઓસ્ટ્રેલિયા સામે રેકોર્ડ સારો રહ્યો છે. અત્યાર સુધીમાં ભારતે ઓસ્ટ્રેલિયા સામે કુલ ત્રણ ટી-20 મેચ રમેલા છે. જેમાંથી એક સીરિઝ ભારતે જીતી લીધી હતી બીજી તરફ ઓસ્ટ્રેલિયા સામેની એક મેચ ડ્રો રહી હતી. વર્ષ 2007માં ભારતીય ટીમ મેચ રમવા માટે ઓસ્ટ્રેલિયા ગઈ હતી. જેમાં ઓસ્ટ્રેલિયાનો વિજય થયો હતો. બીજી તરફ વર્ષ 2012માં રમાયેલી ટુર્નામેન્ટ 1-1થી ડ્રો રહી હતી. જ્યારે વર્ષ 2016માં ત્રીજી સીરિઝમાં ભારતે ઓસ્ટ્રેલિયાન ટીમને 3-0થી પછાડી હતી. આમ ઓસી. સામે ભારતનો રેકોર્ડ સારો રહ્યો છે. આ વખતે પણ એવા નવા રેકોર્ડની આશા વ્યક્ત કરવામાં આવી છે.

ભારતીય ટીમને ખરી કસોટી

જોકે, ભારતીય ટીમની ખરી કસોટી તા. 21 નવેમ્બરે ઓસ્ટ્રેલિયા સામે શરૂ થશે. જ્યાં ટેસ્ટ મેચમાં ભારતની ખરી કસોટી થશે. વેસ્ટ ઈન્ડિઝ સામે પણ ટેસ્ટમેચમાં સફળતા મળ નથી. ઓસ્ટ્રેલિયા સામે ઓસ્ટ્રેલિયાની ધરતી પર કુલ 11 ટેસ્ટ સિરીઝ રમાઈ ચૂકી છે જેમાં ભારતનો એકપણ વખત વિજય થયો નથી.