લિસ્ટેડ કંપનીઓએ કોમોડિટીઝ રિસ્ક જાહેર કરવું ફરજિયાત

66647109

નવી દિલ્હી:રોકાણકારોના હિતને ધ્યાનમાં રાખીને અને ડિસ્ક્લોઝરમાં વધુ પારદર્શકતા લાવવાના હેતુસર સેબીએ કંપનીઓને કોમોડિટીઝમાં હેજિંગ પોઝિશનને વધુ સરળ અને સમાન રીતે જાહેર કરવા જણાવ્યું છે. ઉદય કોટકની આગેવાની હેઠળની કોર્પોરેટ ગર્વનન્સ કમિટીએ કરેલી ભલામણને આધારે ગયા માર્ચમાં સેબી બોર્ડે આ મુદ્દો ચર્ચા હેઠળ લીધો હતો અને તેને અમલી કરવાનો નિર્ણય લીધો છે.
સેબીએ જારી કરેલા સરક્યુલર અનુસાર, લિસ્ટેડ કંપનીઓએ વર્ષ દરમિયાન તેમની રિસ્ક મેનેજમેન્ટ કામગીરીને જાહેર કરવાની રહેશે જેમાં કોમોડિટીઝ હેજિંગ પોઝિશનને વધુ પારદર્શકતા, વિગતવાર અને સમાન ધોરણે જણાવવાની રહેશે જેથી રોકાણકારો તેને સમજી શકે અને જાણી શકે. સેબીએ લિસ્ટેડ કંપનીઓને ફરજિયાત કોમોડિટીઝ પ્રાઇસ રિસ્ક અને હેજિંગ કામગીરીને કંપનીઓના વાર્ષિક રિપોર્ટમાં કોર્પોરેટ ગવર્નન્સ રિપોર્ટ હેઠળ જાહેર કરવા જણાવ્યું છે.
સેબીનું માનવું છે કે આને કારણે શેરધારકોને લાભ થશે અને લિસ્ટેડ કંપનીઓ દ્વારા જાહેર કરવામાં આવતા વાર્ષિક રિપોર્ટમાં વધુ માહિતી ઉપલબ્ધ થશે. રિસ્ક મેનેજમેન્ટ પોલિસી હેઠળ બધી જ કોમોડિટીઝ, કોમોડિટીઝનું જોખમ, હેજિંગ એક્સ્પોઝર જેવી બાબતોનો સમાવેશ થાય છે.

]]>