છોકરીના ઘરે મળવા ગયેલા પ્રેમીની પરિવારના લોકોએ કરી હત્યા

16 વર્ષનો છોકરો તેની પ્રેમિકાને મળવા તેના ઘરે ગયો હતો

એક 16 વર્ષનો છોકરો તેની પ્રેમિકાને મળવા માટે તેના ઘરે ગયો ત્યારે છોકરીના પરિવારવાળાએ ભેગા થઈને આ છોકરાની હત્યા કરી નાખી. આ આરોપીઓએ તે છોકરાને ઘાયલ હાલતમાં જ ઘરની બહાર ફેંકી દીધો. ત્યારબાદ આ છોકરાનું ઘટનાસ્થળ પર જ મૃત્યુ નીપજ્યું. છોકરીના પરિવારના લોકો અને તેના પિતાનું કહેવું છે કે આ છોકરો તેમની છોકરીને હેરાન કરતો હતો. જ્યારે બીજી બાજુ એવું પણ કહેવામાં આવી રહ્યું છે કે તેઓની વચ્ચે પ્રેમસંબંધ હતા.
અમારા ન્યૂઝ Whatsapp પર મેળવવા અહીં ક્લિક કરો

છોકરીના પરિવારજનોએ તે છોકરાને ઢોર માર માર્યો

ઉત્તરપ્રદેશના શાહજહાંપુરના લખીમપુરના નીમાગામમાં રહેતી એક છોકરીને મળવા માટે આ છોકરો અડધી રાત્રે તેના ઘરે ગયો હતો. ઘરવાળાને આ વાતની ખબર પડતા જ તેઓ ગુસ્સે ભરાયા અને આ છોકરાને એટલો માર માર્યો કે જ્યારે આ છોકરાને ઘાયલ હાલતમાં હોસ્પિટલ લઈ જવામાં આવ્યો ત્યારે તેનું મૃત્યુ નીપજ્યું.

છોકરીના પિતાની ધરપકડ કરવામાં આવી છે

હાલ આ છોકરીના પિતા અને તેમના અન્ય 2 સંબંધી પર હત્યાનો કેસ દાખલ કરવામાં આવ્યો છે જ્યારે છોકરીના પિતાની ગુરુવારે ધરપકડ કરવામાં આવી છે. આ ઘટના બની તે ગામમાં શાંતિ જળવાઈ રહે તે માટે ત્યાં 2 કોન્સ્ટેબલને ગોઠવી દેવામાં આવ્યા છે. પોલીસે જણાવ્યું કે તપાસમાં એવું જાણવા મળ્યું છે કે આ છોકરી અને છોકરાની વચ્ચે પ્રેમસંબંધ હતા.