દીપિકાની એન્ગેજમેન્ટ રિંગ જોઈ? કિંમત જાણીને આંખો પહોળી થઈ જશે

વેડિંગ લૂકે દંગ કર્યાઃ

દીપિકા અને રણવીર સિંહે 48 કલાકના લાંબા ઈંતજાર બાદ તેમના સોશિયલ મીડિયા પેજ પર લગ્નના ફોટોઝ શેર કર્યા છે. બસ, ત્યાર પછી જાણે સોશિયલ મીડિયા પર રણવીર દીપિકા સિવાય બીજી કોઈ ચર્ચા જ નથી. રણવીર-દીપિકાનો વેડિંગ લૂક જોઈને બધા જ દંગ થઈ ગયા છે.

દીપિકાની એન્ગેજમેન્ટ રિંગઃ

દીપિકા રણવીરના લગ્નના ફોટોઝ તો તમે જોયા હશે પરંતુ એમાં દીપિકાની એંગેજમેન્ટ રિંગ પર તમારુ ધ્યાન ગયું? જો તમે ધ્યાનથી જોયુ હશે તો દીપિકાની ત્રીજી આંગળી પર મોટી ડાયમન્ડની રિંગ જોવા મળશે.

અધધ કિંમતઃ

રણવીર સિંહે દીપિકાને આપેલી આ એંગેજમેન્ટ રિંગમાં મોટો ડાયમન્ડ છે. તેની કિંમત 1.3 કરોડથી 2.7 કરોડ હોવાની શક્યતા છે.

ચૂંદડી પણ છે ખાસઃ

તમે ફોટો ધ્યાનથી જોશો તો માલૂમ પડશે કે દીપિકાએ જે ચૂંદડી ઓઢી હતી તેના પર પણ સદા સૌભાગ્યવતી ભવઃ લખેલું હતું. એ વાત તો માનવી પડે કે ઈટાલીમાં લગ્ન કરનારા રણવીર દીપિકાએ ભારતીય પરંપરા બરાબર જાળવી રાખી હતી.

એકબીજાના થયા દીપવીરઃ

રણવીર અને દીપિકાના લગ્ન 14 નવેમ્બર અને 15 નવેમ્બરે યોજાયા હતા. પહેલા દિવસે કોંકણી વિધિથી લગ્ન થયા હતા જ્યારે બીજા દિવસે સિંધી રીતિ રિવાજથી. તેમના ફોટોઝ પરથી જ લાગે છે કે આ કપલ એકબીજાના પ્રેમમાં ખરેખર પાગલ છે.