વેઈટિંગ પિરિયડ ઘટાડવા મારુતિ સુઝુકી આ કારનું પ્રોડક્શન વધારશે

ગાડીની વધુ ડિમાન્ડને ધ્યાનમાં રાખતા લીધો નિર્ણય

મારૂતિ સુઝુકીએ જણાવ્યું છે કે તેઓ તેમની ગાડી Vitara Brezzaની બજારમાં જોવા મળતી વધારે ડિમાન્ડને ધ્યાનમાં રાખતા તેનું પ્રોડક્શન વધારવાનો નિર્ણય લીધો છે. કંપનીએ તેમની ગાડી Vitara Brezzaનું પ્રોડક્શન 10 ટકા વધારીને 94,000 યૂનિટ્સ કરવાનો નિર્ણય લીધો છે.
અમારા ન્યૂઝ Whatsapp પર મેળવવા અહીં ક્લિક કરો

મારુતિ તેની આ કારનો વેઈટિંગ પિરિયડ ઘટાડશે

Vitara Brezza કારનું પ્રોડક્શન વધારવાના નિર્ણય અંગે મારૂતિ સુઝુકી કંપનીના સિનિયર એક્ઝિક્યુટીવ ડિરેક્ટરે જણાવ્યું કે મારૂતિ સુઝુકીના ગુજરાત સ્થિત પ્લાન્ટમાં વાર્ષિક 2.5 લાખ યુનિટની ક્ષમતા રહેલી છે. સાથે જ અમે આઉટપુટ વધારવા માટે પણ સક્ષમ છીએ. અમે તે વાત ચોક્કસપણે જણાવી રહ્યા છીએ કે હવે અમે આ કારનો વેઈટિંગ પિરિયડ ઘટાડવા માગીએ છીએ.

ગત વર્ષે 1.48 લાખ કરતા વધુ યુનિટનું વેચાણ કર્યું

Vitara Brezza કારની ખરીદી કરવા માગતા કસ્ટમર્સને કોઈપણ પ્રકારની અડચણ ઊભી થાય નહીં તે માટે મારુતિ સુઝુકી કંપની દ્વારા આ નિર્ણય લેવામાં આવ્યો છે. ગત રાજકોષીયમાં મારુતિ સુઝુકીએ Vitara Brezzaના 1.48 લાખ કરતા વધુ યુનિટનું વેચાણ કર્યું હતું. 2018-19ના પ્રથમ સાત મહિના (એપ્રિલ-ઓક્ટોબર) દરમિયાન કંપનીએ Vitara Brezzaના 95,000 કરતા વધુ યુનિટનું વેચાણ કર્યું છે.