ઈન્ટરનેશનલ સેક્સ રેકેટ ચલાવતા બોલિવુડના કોરિયોગ્રાફરની ધરપકડ

છોકરીઓને વિદેશ મોકલીને ચલાવતી હતી સેક્સ રેકેટ

મુંબઈ ક્રાઈમ બ્રાન્ચે ગુરુવારે સેક્સ કેરેટ ચલાવવાના આરોપમાં બોલિવૂડની એક કોરિયોગ્રાફરની ધરપકડ કરી છે. આરોપો મુજબ આ કોરિયોગ્રાફર કે જેનું નામ એગ્નિસ હેમિલ્ટન છે તે કેન્યાની રાજધાની નૈરોબીમાં સેક્સ રેકેટ ચલાવતી હતી. પોલીસના જણાવ્યા મુજબ આરોપી કોરિયોગ્રાફરે કથિતરીતે નોકરી માટે કેટલીક છોકરીઓને વિદેશ મોકલી અને આ છોકરીઓને ત્યાં વેશ્યાવૃત્તિ કરવા માટે મજબૂર કરી.
અમારા ન્યૂઝ Whatsapp પર મેળવવા અહીં ક્લિક કરો

કોરિયોગ્રાફરને છોકરી મોકલવા માટે 40 હજાર રૂપિયા મળતા હતા

આ બોલિવૂડ કોરિયોગ્રાફર હેમિલ્ટન મુંબઈના અંધેરી નામના પોશ વિસ્તારમાં એક ડાન્સ ક્લાસ ચલાવતી હતી. એક પીડિતાએ ક્રાઈમ બ્રાન્ચમાં ફરિયાદ દાખલ કર્યા બાદ આ કોરિયોગ્રાફર વિરુધ્ધ અંધેરી વિસ્તારના સહાર પોલીસ સ્ટેશનમાં આ કેસ દાખલ કરવામાં આવ્યો છે. પોલીસે જણાવ્યું કે કોરિયોગ્રાફર હેમિલ્ટનને કેન્યા છોકરી મોકલવા બદલ છોકરી દીઠ 40 હજાર રૂપિયા મળતા હતા.

પીડિતાને જુલાઈમાં કેન્યા મોકલવામાં આવી હતી

આ પીડિતાએ તેના નિવેદનમાં જણાવ્યું કે તેણે આ વર્ષના જુલાઈ મહિનામાં નોકરી માટે કોરિયોગ્રાફર હેમિલ્ટનનો સંપર્ક કર્યો હતો. ત્યારે કોરિયોગ્રાફર હેમિલ્ટને પીડિતાને જણાવ્યું કે તેની મિત્ર રજિયા પટેલ કેન્યાના નૈરોબીમાં રહે છે અને બે ડાન્સ ક્લબ ચલાવે છે અને ત્યાં તેને નોકરી મળી શકે છે. આ પીડિતા આ વાત સાથે સહમત થઈ ગઈ અને જુલાઈમાં તેને કેન્યા મોકલવામાં આવી.

ત્યાં લોકો છોકરીઓ પર પૈસા ઉડાવતા હતા

ક્રાઈમ બ્રાન્ચના અધિકારીઓએ જણાવ્યું કે પીડિતાને દર મહિને 1.5 લાખ રૂપિયાનો પગાર આપવાનું વચન આપવામાં આવ્યું હતું. પીડિતાએ પોલીસને જણાવ્યું કે તેને ત્યાં રાત્રે 8 વાગ્યાથી સવારે 4 વાગ્યા સુધી ડાન્સ કરાવવામાં આવતો હતો, જ્યાં લોકો તેના પર પૈસા ઉડાવતા હતા. આ ઘટના પ્રકાશમાં ત્યારે આવી કે જ્યારે કેન્યા પોલીસે ક્લબ પર છાપો માર્યો અને છોકરીઓને ત્યાંથી છોડાવી.