તહેવારોમાં બનાવો વધેલા ફૂડનો હટકે નાસ્તો, વધેલી રોટલીમાંથી ઇન્સ્ટન્ટ ભાખરવડી

વધેલી રોટલીની બનાવો આ નવી આઈટમ

તહેવારોની સીઝન ચાલી રહી છે ત્યારે રોટલી-શાક દાળ ભાત સાથે ફરસાણ અને મિષ્ટાનની પણ ઘણી આઇટમ જમવામાં હોય છે. આ કારણે ઘણીવાર રોટલી વધી જતી હોય છે, આડા દિવસોમાં રોટલી વધી જાય તો આપણે સાંજે વાસી રોટલી ખાઈ લઈએ અથવા વઘારેલ રોટલી બનાવીએ પણ તહેવારમાં આવું થોડું કરાય જેવો એવો વિચાર તમને પણ આવતો હોય તો આ ચટાકેદાર ભાખરવડીની રેસિપી તમારી માટે જ છે.

એકવાર લોકો ખાશે એટલે ખાતા રહી જશે

તમે બરાબર સાંભળ્યું વધેલી રોટલીમાંથી ભાખરવડી, તહેવારોની સીઝનાં વધેલી રોટલીમાંથી બનાવો ખૂબજ ટેસ્ટી અને ફટાફટ બની જતી ભાખરવડી. પરિવારના બધા આંગળા ચાટતા રહી જશે.

જરુરી સામગ્રી

વધેલી રોટલી (4-5)
એક બાઉલ બાફેલા બટેટાનો માવો
સ્વાદ અનુસાર મીઠું
સ્વાદ અનુસાર લાલ મરચું
એક ચમચી ધાણાજીરું
અડધી ચમચી ગરમ મસાલો
ચપટી હિંગ
2 ચમચી સમારેલી કોથમીર
અડધી વાટકી મેંદો
તળવા માટે તેલ

બનાવવાની રીત

બટેટાને બાફી અને છોલી લ્યો હવે તેને બરાબર મેશ કરી લેવાં. જરા પણ ટુકડા ન રહેવા જોઇએ. ત્યારબાદ બટેટાના માવામાં મીઠું, મરચું, ધાણાજીરું, ગરમ મસાલો, કોથમીર અને હિંગ એડ કરી બરાબર મિક્સ કરી દો.

બનાવવાની રીત

એક બાઉલમાં થોડો મેંદો લઈ તેમાં 1/4 ચમચી મીઠું નાખી થોડું પાણી એડ કરી જાડી પેસ્ટ બનાવી લો. રોટલીની કિનારીને છોડીને બાકીના આખા ભાગ પર બટાકાના માવાનું પાતળું લેયર બનાવી દ્યો. જે બાદ આ કિનારી પર મેંદાની પેસ્ટ લગાવી રોલ વાળી દો અને કિનારી એકબીજા સાથે ચોંટાડી 5 મિનિટ સેટ થવા મૂકી દો.

બનાવવાની રીત

5 મિનિટમાં રોલ સેટ થઈ જાય એટલે ચપ્પાથી ભાખરવડી જેવા પીસ કાપી લો. હવે મેંદાની પેસ્ટમાં વધુ પાણિ એડ કરી પાતળી પેસ્ટ કરી લો. આ દરમિયાન તળવા માટે તેલ ગરમ કરવા મૂકી દો. તેલ ગરમ થઈ જાય એટલે ભાખરવડીને મેંદાની પેસ્ટમાં ઝબોળી તળવા મૂકો. બન્ને બાજુ ગોલ્ડન બ્રાઉન થાય ત્યાં સુધી તળવી. આ જ રીતે બધી ભાખરવડી તૈયાર કરી લો. એકવાર આ ક્રિસ્પી ભાખરવડી બનાવશો પછી જો જો ઘરના દર વખતે કેશે કે આજે રોટલી વધે એટલે પેલી ભાખરવડી બનાવજો.


from Page Array – I Am Gujarat https://ift.tt/2yT090D