હવે ફિલ્મ ‘મકડી’માં નેશનલ એવોર્ડ જીતનાર આ એક્ટ્રેસ કરશે લગ્ન

13 ડિસેમ્બરે પૂનામાં લગ્ન કરશે શ્વેતા બાસુ પ્રસાદ

બોલિવૂડમાં આજકાલ લગ્નનો માહોલ જામ્યો છે, પહેલાં દીપિકા અને પ્રિયંકા બાદ હવે વધુ એક બોલિવૂડ અભિનેત્રી લગ્ન કરવા જઈ રહી છે. વિશાલ ભારદ્વાજની ફિલ્મ ‘મકડી’માં નેશનલ એવોર્ડ જીતનાર એક્ટ્રેસ શ્વેતા બાસુ પ્રસાદ તેના બોયફ્રેન્ડ રોહિત મિત્તલની સાથે લગ્ન કરવા જઈ રહી છે. મીડિયા રિપોર્ટ્સ અનુસાર શ્વેતા બાસુ પ્રસાદ 13 ડિસેમ્બરના રોજ પૂનામાં લગ્ન કરશે. અને ત્યારબાદ મુંબઈમાં રિસેપ્શન આપશે.
અમારા ન્યૂઝ Whatsapp પર મેળવવા અહીં ક્લિક કરો

શ્વેતા હાલ બાલીમાં બેચલર પાર્ટી મનાવી રહી છે

અત્યારે આ એક્ટ્રેસ શ્વેતા ઈન્ડોનેશિયાના બાલીમાં બેચલર પાર્ટી મનાવી રહી છે. મીડિયાના રિપોર્ટ્સ પ્રમાણે શ્વેતા તેના મિત્રોની સાથે 5 દિવસ બાલીમાં રહેશે અને ત્યારબાદ મુંબઈ પરત ફરશે. શ્વેતા અને તેનો બોયફ્રેન્ડ ગત 4 વર્ષથી રિલેશનશિપમાં છે તેમજ 2 વર્ષથી તો સાથે જ રહે છે અને હવે ડિસેમ્બરમાં તેઓ લગ્ન કરશે. બોલિવૂડ ફિલ્મ મકડી અને ઈકબાલમાં તેના અભિનયના ખૂબ જ વખાણ થયા હતા.

વર્ષ 2014માં સેક્સ રેકેટમાં શ્વેતાનું નામ બહાર આવ્યું હતું

આ એક્ટ્રેસ શ્વેતા બાસુ પ્રસાદનું વર્ષ 2014માં સેક્સ રેકેટમાં નામ ઉછ્ળ્યું હતું. પોલીસે શ્વેતાને હૈદરાબાદના બંજારા હિલ્સ સ્થિત પાર્ક હયાત હોટેલમાંથી રંગેહાથ ધરપકડ કરી હતી. મીડિયા રિપોર્ટ્સ અનુસાર શ્વેતાએ તેના નિવેદનમાં કહ્યું હતું કે તેણે તેના કરિયરમાં કેટલાંક ખોટા નિર્ણયો લીધા હતા અને તેના કારણે તેની પાસે પૈસા નહોતા રહ્યા. તેના પર પરિવારની જવાબદારી હતી તથા અન્ય જરૂરી કામો પણ હતા. તમામ દરવાજાઓ બંધ હતા અને લોકોએ તેને પૈસા કમાવવા માટે વેશ્યાવૃત્તિ કરવા માટેનું કહ્યું, તે લાચાર હતી અને અન્ય કોઈ વિકલ્પ નહીં હોવાને કારણે તે આ ખોટા ધંધામાં ફસાઈ ગઈ હતી. બાદમાં કોર્ટે શ્વેતાને રિહેબિલિટેશન સેન્ટર મોકલી દીધી હતી.