જાણો રાજસ્થાનમાં આવેલી પ્રખ્યાત હેરિટેજ હોટેલ્સ વિશે

રાજસ્થાન ભારતીય સંસ્કૃતિ અને ઈતિહાસનો સમન્વય છે

રાજસ્થાનમાં ઘણી સુંદર અને જોવાલાયક જગ્યાઓ છે કે જેમાં કિલ્લાઓ, મહેલ અને રાજસ્થાનના રણનો પણ સમાવેશ થાય છે. આજકાલ રાજસ્થાન ટૂરિસ્ટ્સ માટે સ્વર્ગ સમાન બની ગયું છે કારણકે રાજસ્થાન ભારતીય સંસ્કૃતિ અને ઈતિહાસનો સમન્વય છે. રાજસ્થાનમાં તમને પપેટ્રી, હેન્ડીક્રાફ્ટસ, ઊંટ, ઘૂમર ડાન્સ અને હેરિટેજ હોટેલ્સ જોવા મળશે. અહીં અમે તમને રાજસ્થાનની એવી જ કેટલીક હેરિટેજ હોટેલ્સ વિશે જણાવી રહ્યા છીએ કે જ્યાં એકવખત મુલાકાત લીધા બાદ એ તમને જીવનભર યાદ રહેશે.
અમારા ન્યૂઝ Whatsapp પર મેળવવા અહીં ક્લિક કરો

માલજી કા કમરા

માલજી કા કમરા નામની આ હેરિટેજ હોટેલ રાજસ્થાનના ચુરુમાં પુરાની સડક, જૈન માર્કેટની પાછળ નામના વિસ્તારમાં આવેલી છે. આ હોટેલ તલ છપ્પર નામના વાઈલ્ડલાઈફ અભયારણ્યથી 85 કિલોમીટરના અંતરે અને જયપુરથી 3 કલાક તેમજ દિલ્હીથી 5 કલાકના અંતરે આવેલી છે.

શાહપુરા બાગ

શાહપુરા બાગ નામની આ હેરિટેજ હોટેલ રાજસ્થાનના ભીલવાડા નામના વિસ્તારમાં આવેલી છે. અહીં તમને સુંદર બગીચાઓ, કમળ ઉગ્યા હોય તેવા તળાવ, સુંદર હેરિટેજ આર્કિટેક્ટ જોવા મળશે. અહીં સ્વિમિંગ પૂલ, પૂલ ટેબલ, મેડિકલ સર્વિસિઝ અને કરન્સી એક્સચેન્જની સુવિધાઓ પણ ઉપલબ્ધ છે. આ હેરિટેજ હોટેલ ઉદયપુર અને જયપુરની વચ્ચે આવેલી છે.

ભૈંસરોડગઢનો કિલ્લો

તમે કોટા થઈને રાજસ્થાનના આ પ્રખ્યાત ભૈંસરોડગઢના કિલ્લા પર જઈ શકો છો. અહીં તમે પાસે આવેલી નદીમાં માછલી પકડવી અને સાથે પગપાળા ફરવા પણ જઈ શકો છો. અહીં ગાડી પણ ભાડે મળે છે અને કિલ્લાની બહારનો નજારો પણ સુંદર છે કે જ્યાં બેસીને તમે તમારો આનંદદાયક સમય પસાર કરી શકો છો.

પાટણ મહેલ

રાજસ્થાનમાં આવેલ પાટણ મહેલ નામની હેરિટેજ હોટેલની પાસે કિલ્લા સુધી ટ્રેક કરવાની અને ગામડાંમાં ફરવા જવાની પ્રવૃત્તિઓ પણ સામેલ છે. પાટણ મહેલ એ એક અદ્ભત સ્થળ છે કે જેમાં રોયલ હેરિટેજ વારસો જોવા મળે છે. આ હોટેલમાં ડ્રિન્ક કરવા માટેના બાર અને લાઉન્જની પણ સુવિધાઓ છે.

રામથારાનો કિલ્લો

રામથારાના કિલ્લા નામની આ હેરિટેજ હોટેલ તળાવ પાસે આવેલી છે અને રાજસ્થાનના કંટ્રીસાઈડ સ્થિત છે. અહીં આરામદાયક રોકાણ કરવા માટેની સુવિધાઓ છે અને આ હેરિટેજ હોટેલના તમામ રૂમોમાં ગેલેરીઓ અથવા તો ધાબું છે કે જેમાંથી ગેસ્ટ આસપાસનો કુદરતી સૌંદર્ય નજારો માણી શકે છે.