બે બહેનપણીઓએ લીધી સેલ્ફી, અને પછી ન કરવાનું કરી બેઠી

કૂવા પાસેની સેલ્ફીને તેમનો વોટ્સએપ્પ ડીપી રાખ્યો અને…

મુંબઈ શહેરના એક વિસ્તારમાં આવેલા કૂવામાં મંગળવારે 17 વર્ષીય બે છોકરીઓએ આત્મહત્યા કરી લીધી. આ બંને છોકરીઓએ આત્મહત્યા કરતા પહેલા કૂવાની પાસે સેલ્ફી લીધી અને તે ફોટાને તેમના વોટ્સએપના ડીપી તરીકે મૂક્યો. બંને છોકરીઓના મોબાઈલ ફોન, ચપ્પલ અને પગની પાયલ કૂવાની બહાર મળી આવ્યા છે. પોલીસને શંકા છે કે આ બંને છોકરીઓેએ આત્મહત્યા કરી છે. આ કૂવાએ ગત 2 વર્ષમાં 6 લોકોનો ભોગ લીધો છે.
અમારા ન્યૂઝ Whatsapp પર મેળવવા અહીં ક્લિક કરો

આ બંને બહેનપણીઓ સાથે અભ્યાસ કરતી હતી

મીનાક્ષી અને સોનાલી નામની આ બંને છોકરીઓ આરેના આદિવાસી વિસ્તારમાં રહેતી હતી, આ બંને બહેનપણીઓ હતી. આ બંને છોકરીઓના માતા-પિતા આજીવિકા રળવા માટે ખેતમજૂરી કરતા હતા. આ બંને છોકરીઓ ગોરેગાંવની એક જૂનિયર કોલેજમાં અભ્યાસ કરતી હતી અને આ બંને છોકરીઓ તેમના ઘરવાળાને કહ્યા વિના ઘરની બહાર નીકળી ગઈ હતી.

કૂવામાં છલાંગ લગાવતા પહેલા પ્રેમીને ફોન કર્યો હતો

કહેવામાં આવી રહ્યું છે કે આ બે છોકરી પૈકી સોનાલીને એક છોકરાની સાથે અફેર હતું, કૂવામાં છલાંગ લગાવતા પહેલા સોનાલીએ તેના પ્રેમીને ફોન કર્યો અને આત્મહત્યાની વાત કરી. બંને છોકરીઓના પરિવારના સભ્યોને એ વાતની જાણકારી નથી કે તેમણે આ પગલું કેમ લીધું. આવામાં આત્મહત્યાનું પણ કોઈ સ્પષ્ટ કારણ જોવા મળી રહ્યું નથી. મરતા પહેલા આ બંને છોકરીઓએ તેમની વોટ્સએપ પર કરેલી ચેટની તમામ ચેટ હિસ્ટ્રી ડિલીટ કરી નાખી હતી.