રણવીરને પીઠી ચોળાઈ

રણવીરને પીઠી ચોળાઈ

14-15 નવેમ્બરના રોજ બોલિવૂડની સૌથી હોટ જોડી દીપિકા પાદુકોણ અને રણવીર સિંહ લગ્નના તાંતણે બંધાવા જઈ રહ્યાં છે. બંનેના ઘરે લગ્નની તડામાર તૈયારીઓ શરૂ થઈ ગઈ છે. આ દરમિયાન રણવીરના ઘરેથી તેની પીઠી ચોળવાની વિધિની તસવીરો સામે આવી છે.
અમારા ન્યૂઝ Whatsapp પર મેળવવા અહીં ક્લિક કરો

વ્હાઈટ કુર્તા-પાયજામામાં દેખાયો રણવીર

રણવીર પીઠીની ચોળવાની વિધિ બાદ પોતાના મુંબઈ સ્થિત ઘરની બાલ્કનીમાં આવીને ફેન્સને એક ઝલક આપી હતી.

શાનુ શર્મા સાથે લીધી સેલ્ફી

રણવીરે પોતાના ઘરના ટેરેસ પર કાસ્ટિંગ ડિરેક્ટર શાનુ શર્મા સાથે સેલ્ફી લીધી હતી.

વ્હાઈટ લેંઘા-કુર્તામાં દેખાયો

મહેંદીની રસમમાં રણવીર ખૂબ જ સરળ અંદાજમાં જોવા મળ્યો. તેણે વ્હાઈટ કુર્તો અને લેંઘો પહેર્યા હતા. જણાણી દઈએ કે, રણવીર-દીપિકાના લગ્નમાં ખૂબ જ ખાસ પ્રકારનું ભોજન રાખવામાં આવ્યું છે અને કેટરર્સ સાથે કથિત કરાર કરવામાં આવ્યો છે કે, તે અન્ય કોઈ જગ્યાએ તે વાનગીઓ બનાવશે નહીં.

ખુશીથી ઝૂમી ઉઠ્યો રણવીર

લગ્નની ખુશી રણવીરના અંદાજ પરથી જાણી શકાય છે. પીઠીની વિધિ બાદ તે બાલ્કનીમાં આવીને ભાંગડા કરતો દેખાયો હતો. જણાવી દઈએ કે, બંનેએ થોડા દિવસ અગાઉ સોશિયલ મીડિયા પર પોતાના લગ્નનું કાર્ડ શેર કરી ફેન્સને મેરેજની માહિતી આપી હતી.

દીપિકાના ઘરે પણ તૈૈયારીઓ શરૂ

બીજી તરફ દીપિકાના ઘરે પણ પૂજા-વિધિની જોરદાર તૈયારીઓ ચાલી રહી છે. દીપિકાના ઘરેથી સામે આવેલી તસવીરોમાં તે ખૂબ ખુશ દેખાઈ રહી છે. દીપિકા-રણવીરના વેડિંગ કાર્ડમાં લગ્નના સ્થળ વિશે કોઈ ખુલાસો નહોતો કરાયો. કહેવાઈ રહ્યું હતું કે, તેઓ ઈટલીના લેક કોમોમાં 14 નવેમ્બર લગ્ન કરશે. જોકે, બાદમાં એવા ન્યૂઝ આવ્યા હતા કે, તેમના લગ્ન ભારતમાં જ થશે અને મુંબઈ તથા બેંગાલુરુમાં બધા કાર્યક્રમો રખાશે, પણ હજુ સુધી આ વાત અંગે કોઈ ખુલાસો થઈ શક્યો નથી.