લગ્નમાં આવો હશે અંબાણી પરિવારની વહુનો ઠાઠ! જુઓ તસવીર

અંબાણી પરિવારની ભાવિ વહુ છે શ્લોકા

બોલિવૂડમાં હાલ લગ્નની મૌસમ ચાલી રહી છે. દીપિકા પદુકોણ અને રણવીર સિંહ પછી હવે પ્રિયંકા ચોપરા પણ બોયફ્રેન્ડ નીક જોડે લગ્નના બંધનમાં બંધાઈ જશે. જોકે, બિઝનેસ જગત પણ પાછળ નથી. અંબાણી પરિવારની ઈશા અંબાણી આનંદ પિરામલ સાથે તો આકાશ અંબાણી શ્લોકા મહેતા સાથે લગ્નના તાંતણે બંધાશે. જોકે, લગ્ન પહેલાં જ શ્લોકા મહેતા ગોર્જિયસ લુકમાં જોવા મળી હતી.

અમારા ન્યૂઝ Whatsapp પર મેળવવા અહીં ક્લિક કરો

રેડ આઉટફીટમાં સુંદર લાગી શ્લોકા

દેશના સૌથી ધનાઢ્ય ઉદ્યોગપતિ મુકેશ અંબાણીના પુત્ર આકાશની સગાઈ શ્લોકા મહેતા સાથે થઈ છે. 30 જુનના રોજ થયેલી આ સગાઈમાં રાજકારણ તેમજ બોલિવૂડ અને ક્રિકેટજગતના અનેક સેલેબ્સે હાજરી આપી હતી. ધૂમધામથી થયેલી આ સગાઈમાં શ્લોકા મહેતાનો લુક ચર્ચાનો વિષય બન્યો હતો. હવે ફરીથી શ્લોકા મહેતા તેના આઉટફીટ અને લુકના કારણે ચર્ચામાં આવી છે.

શૅર કર્યો લુક

મેકઅપ અને હેર સ્ટાઈલ એક્સપર્ટ તન્વી બોરકરે શ્લોકા મહેતાનો આ લુક શૅર કર્યો હતો. શ્લોકા મહેતાએ આ તસવીરમાં સંદીપ ખોસલાના તૈયાર કરેલા આઉટફીટ પહેર્યાં છે. જેમાં તે ગોર્જિયસ લાગી રહી છે.

મહેંદી ફંકશનમાં હતો આવો લુક

નોંધનીય છે કે પ્રી એંગેજમેન્ટ મહેંદી ફંક્શન માટે શ્લોકાએ નેવી બ્લૂ એન્ડ ક્રીમ કલરનો જરદોશી વર્ક કરેલો લહેંગો પહેર્યો હતો. જ્યારે આકાશ અંબાણી સિમ્પલ સફેદ કૂર્તામાં હેન્ડસમ લાગી રહ્યો હતો. શ્લોકાએ પોતાના આ લુકને રાઉન્ડ ઈયરિંગ્સ અને પિંક લિપ શેડ સાથે કમ્પ્લિટ કર્યો હતો. જેમાં તે સુંદર લાગી રહી હતી.

એક્સરસાઈઝથી રહે છે ફિટ

શ્લોકા મહેતાનો જન્મ દેશના મોટા બિઝનેસમેન રશેલ મહેતાના ઘરે થયો છે. રશેલ મહેતા રોઝી બ્લૂ ડાયમન્ડના માલિક અને સીઈઓ છે. ભારતની ટોપ ફાઈવ સૌથી મોટી હીરા કંપનીઓમાં તેમની કંપનીનો સમાવેશ થાય છે. નોંધનીય છે કે શ્લોકા મહેતા પોતાના ભાઈ-બહેનોમાં સૌથી નાની છે. શ્લોકા મહેતા એક્સરસાઈઝ અને યોગ પર પણ ધ્યાન આપે છે.

AGM મિટિંગમાં પણ મળી હતી જોવા

નોંધનીય છે કે રિલાયન્સની AGM મિટિંગમાં પણ શ્લોકાએ હાજરી આપીને બધાને ચોંકાવ્યા હતાં. આ મિટિંગમાં શ્લોકા ઈશા અંબાણીની બાજુમાં બેઠી હતી. જ્યારે તેની બાજુમાં આકાશ, અનંત અને દાદી કોકિલાબહેન પણ જોવા મળ્યાં હતાં.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat https://ift.tt/2P0RA99