મધ્યમ ગાળા માટે ટ્રેન્ડ રિવર્સલના સંકેત

66535406

ધ્રુવ દેસાઈ, coo,ટ્રેડબુલ્સ સિક્યોરિટીઝ

વીતેલા સપ્તાહે નોંધપાત્ર બાઉન્સ બાદ ભારતીય બજાર કોન્સોલિડેશનમાંથી પસાર થઈ રહ્યું છે. નિફ્ટી જોકે તેના 10,500ના મહત્ત્વના સપોર્ટને જાળવી શક્યો છે અને તે તેજીવાળાઓ માટે પોઝિટિવ બાબત છે. દિવાળીના તહેવારોને કારણે ચાલુ સપ્તાહે લાંબું વિકએન્ડ છે અને તેથી બજારમાં ઓવરનાઇટ પોઝિશન લઈને જનાર વર્ગ ઓછો હશે.

બજારમાં જોવા મળેલા સુધારા પાછળ વિવિધ સ્થાનિક તેમજ આંતરરાષ્ટ્રીય પરિબળો જવાબદાર છે. વૈશ્વિક સ્તરે માર્કેટમાં ઓક્ટોબરની વેચવાલી બાદ સ્થિરતા પરત ફરી રહી છે અને બોન્ડ યીલ્ડ્સમાં ઘટાડો સૂચવે છે કે આર્થિક મંદી મજબૂત બની છે.

સેફહેવન એસેટ તરીકે યુએસ ડોલરમાં જોવા મળેલી તેજી અટકી છે અને યુએસ ડોલર ઇન્ડેક્સ વીતેલા સપ્તાહના 97ના સ્તરેથી ઘટીને 96.08ના સ્તર પર ટ્રેડ થઈ રહ્યો છે. સ્થાનિક સ્તરે આરબીઆઇના ઓપન માર્કેટ ઓપરેશન્સને કારણે સ્થાનિક યીલ્ડ્સ પણ લિક્વિડિટીની તંગી હળવી છતાં છેલ્લા મહિનાના 8.2 ટકાના સ્તરેથી ઘટીને 7.75 ટકા પર જોવા મળી રહ્યાં છે.

આઇએલ એન્ડ એફએસની નાદારી બાદ ગયા મહિને આરબીઆઇએ ઓપન માર્કેટ ઓપરેશન્સ મારફતે લિક્વિડિટી બજારમાં ઠાલવી હતી. જેને કારણે પેનિક ઘટ્યું હતું. પીએસયુ બેંક્સે નિફ્ટીની તેજીને સમર્થન આપ્યું હતું અને તેને 10,600ના સ્તર સુધી લાવવામાં સહાયતા કરી હતી. કેમ કે આરબીઆઇના ઓપરેશનનો સૌથી મોટો લાભ તેમને મળ્યો હતો.

ક્રૂડના ભાવમાં તાજેતરમાં ઘટાડાને કારણે આરબીઆઇ રેટ વૃદ્ધિને ફેબ્રુઆરી સુધી પાછી ઠેલી શકે છે તેવું ડેટ માર્કેટ પાર્ટિસિપન્ટ્સને લાગી રહ્યું હોય તેવું જણાય છે. અગાઉ મધ્યસ્થ બેંક ડિસેમ્બરમાં રેટ વૃદ્ધિ કરે તેવું જણાતું હતું. ચાલુ મહિને આરબીઆઇ દ્વારા બજારમાં વધુ લિક્વિડિટી ઉમેરાય તેવી અપેક્ષા અને વૈશ્વિક બજારોમાં સ્થિરતા વચ્ચે ભારતીય શેરમાર્કેટ નજીકના સમયગાળા દરમિયાન આઉટપર્ફોર્મન્સ દર્શાવે તેવી શક્યતા છે.

અત્યાર સુધીમાં પરિણામોની સીઝન અપેક્ષા મુજબની રહી છે. ઘણી કંપનીઓએ પોઝિટિવ સરપ્રાઇઝિસ આપી છે અને તેને કારણે બજારને ટેકો મળી રહેશે એમ જણાય છે. વૈશ્વિક સ્તરે એક એસેટ ક્લાસ તરીકે ઇક્વિટીમાં 2,000 બાદ સૌથી ઊંચી ફાળવણી જોવા મળી છે આમ ઊંચા સ્તરે એક પ્રોફિટ બૂકિંગ જોવા મળે તે સ્વાભાવિક છે. અમારા મતે લાંબા ગાળા માટે તેજીનો દોર અકબંધ છે અને તેથી ઘટાડે શેર્સમાં એક્યુમ્યુલેશન કરવું જોઈએ.

ટેક્‌નિકલ્સ પર નજર નાખીએ તો સાપ્તાહિક ધોરણે 10,450 પરનું બંધ ટૂંકાથી મધ્યમ ગાળા માટે સુધારા તરફી ટ્રેન્ડ સૂચવે છે. તાજેતરના કરેક્શનમાં પ્રથમવાર પાંચ સપ્તાહની એક્સપોનેન્શિયલ એવરેજ પર બંધ આપવામાં બજાર સફળ રહ્યું છે. ટૂંકા ગાળા માટે નિફ્ટીની બોટમ બની ચૂકી છે અને 10,710 પરનું બંધ મધ્યમગાળા માટે ટ્રેન્ડ રિવર્સલની સાબિતી હશે. 1,000ના સ્તરે સપોર્ટ મેળવ્યા બાદ દૈનિક સ્કેલ પર ઇન્ડેક્સે હાયર બોટમ્સ બનાવાનો ક્રમ જાળવ્યો છે.

છેલ્લાં બે ટ્રેડિંગ સત્રોથી તેણે 5 દિવસ અને 20 દિવસની સરેરાશ પર બંધ આપવામાં પણ સફળતા દર્શાવી છે. આમ બજારમાં સેટએપ પોઝિટિવ જણાય છે. નજીકના ભવિષ્ય માટે નિફ્ટીનું ટાર્ગેટ 10,700-10,705નું છે. જે 200 ડીએમએનો સ્તર છે. આમ રોકાણકારોએ હાલની સ્થિતિમાં મિડિયમ ટ્રેન્ડ રિવર્સલને ધ્યાનમાં રાખીને ગ્રોથ પર નહીં પરંતુ વેલ્યૂ પર ફોકસ કરવું જોઈએ.

<b>ડિસ્ક્લેમર :</b>વિવિધ બ્રોકરેજ , વિશ્લેષકો અને ફંડ મેનેજરો દ્વારા આ પાના પર દર્શાવાયેલા વિચારો તેમના પોતાના છે. વાચકોએ આ ભલામણોનો અમલ કરતાં પહેલાં વ્યાવસાયિક સલાહકારોની સલાહ જરૂરી છે. ઈટી અહીં દર્શાવેલી પસંદગી માટે જવાબદાર નથી. www.economictimes.com પર ઈટીના સિદ્ધાંતોની આચારસંહિતા ચકાસવા વિનંતી છે.

]]>

from Page Array – I Am Gujarat https://ift.tt/2RM2yRO