અમદાવાદના મેયરે બાફ્યુઃ સાઉથ કોરિયાના રિવરફ્રન્ટનો ફોટો પોસ્ટ કરીને લખ્યું ‘મારુ અમદાવાદ’

ક્ષોભજનક સ્થિતિ ઊભી થઈઃ

અમદાવાદ મ્યુનિસિપલ કોર્પોરેશન માટે ક્ષોભજનક પરિસ્થિતિ ઊભી થઈ છે. અમદાવાદના મેયર બીજલ પટેલે સાઉથ કોરિયાના રિવરફ્રન્ટનો ફોટો સાબરમતિ રિવરફ્રન્ટના ફોટા તરીકે પોતાના ટ્વીટર એકાઉન્ટ પર પોસ્ટ કરતા તે ભારે ટ્રોલ થયા હતા. તેમણે બાદાં આ ટ્વીટ ડીલીટ કરીને સાબરમતિ રિવરફ્રન્ટનો વાસ્તવિક ફોટો મૂક્યો હતો પરંતુ ત્યાં સુધીમાં ઘણું મોડુ થઈ ગયુ હતુ. તેમનું ટ્વીટ વાઈરલ થઈ ગયુ હતુ અને લોકોએ તેમના પર કટાક્ષ કર્યા હતા. ખેદજનક વાત તો એ છે કે તેમણે પોતાની ભૂલ કબૂલ કરવાનો ઈન્કાર કરી દીધો હતો અને દાવો કર્યો હતો કે તેમણે જે ફોટો મૂક્યો છે તે અમદાવાદના રિવરફ્રન્ટનો જ છે .

ટ્વીટ પાછળથી ડીલીટ કર્યુંઃ

તેમણે 6 નવેમ્બરે બપોરે 2.43એ આ ટ્વીટ પોસ્ટ કર્યું હતું. આ સાથે તેમણે શહેરના નાઈટ વ્યુ અને ઝાકમઝોળ રિવર ફ્રન્ટનો ફોટો પોસ્ટ કર્યો હતો. તેમણે લખ્યું કે, “આ સિંગાપોર, મલેશિયા કે દુબઈ નથી… આ આપણું અમદાવાદ છે.” ટ્વીટના થોડા જ સમય બાદ ટ્વીટર પર લોકોએ તરત જ કોમેન્ટ કરી હતી કે આ ખોટો ફોટો છે. આ ફોટો વાસ્તવમાં સાઉથ કોરિયાની સિઓલમાં આવેલી હેન નદીનો છે. આ છબરડા અંગે પૂછવામાં આવ્યું ત્યારે પટેલે જણાવ્યું, “મેં અમદાવાદના રિવરફ્રન્ટનો જ ફોટો પોસ્ટ કર્યો હતો, સિઓલનો નહિ.” તેમણે ફોટો શા માટે ડીલીટ કર્યો એમ પૂછાતા તેમણે બચાવમાં કહ્યું, “આ ફોટાને લઈને વિવાદ થયો એટલે મેં ફોટો ડિલીટ કરી દીધો. હું મારા અમદાવાદને ઓળખી શકુ છું. મેં જે ફોટો ટ્વીટ કર્યો છે તે સરદાર બ્રિજનો લોંગ શોટ છે.”

ટ્રોલ થયા મેયરઃ

#RiverFront #Amdavadcity#worldheritage #MaruAmdavad #NewIndia #TransformingIndia @AmdavadAMC @vnehra pic.twitter.com/HWtQ4Vqwxd

— Bijal Patel (@ibijalpatel) November 10, 2018

પટેલનું ટ્વીટ વાઈરલ થતા લોકોએ તેમની ટ્વીટર પર ઝાટકણી કાઢી હતી. એક ટ્વીટમાં લખ્યું, “સિઓલને અમદાવાદનું નામ ન આપી શકાય?” જ્યારે બીજા ટ્વીટમાં લખ્યું હતું કે એ શરમજનક બાબત છે કે અમદાવાદના મેયર પોતાના શહેરને ઓળખી પણ નથઈ શકતા અને સિઓલના રિવરફ્રન્ટનો ફોટો સાબરમતિ રિવરફ્રન્ટ તરીકે મૂકે છે.

પોતાના શહેરને ઓળખી પણ નથી શકતા?

#Riverfront #AmdavadCity#WorldHeritage #NewIndia#TransformingIndia #MaruAmdavad@AmdavadAMC @vnehra pic.twitter.com/3WMyURPTGW

— Bijal Patel (@ibijalpatel) November 9, 2018

AMCમાં વિરોધ પક્ષના નેતા દિનેશ શર્માએ જણાવ્યું કે, “દર વખતની જેમ ભાજપના અધિકારીઓ લોકોને ગેરમાર્ગે દોરવાનું કામ કરી રહ્યા છે પણ આ વખતે તે પકડાઈ ગયા. એક જવાબદાર નાગપિક તરીકે તેમણે સાઉથ કોરિયાના રિવરફ્રન્ટનો ફોટો અમદાવાદના રિવરફ્રન્ટ તરીકે મૂકીને લોકોને ઉલ્લુ બનાવવાની કોશિશ કરી છે. આ ખરેખર ગંભીર સમસ્યા છે.” લોકોનું માનવું છે કે મેયર પોતાના જ શહેરને ઓળખી ન શકે તે શરમજનક અને ક્ષોભજનક બાબત છે.

from Page Array – I Am Gujarat https://ift.tt/2z35NNO