હવે વધુ દૂર નથી પહેલી સ્વદેશી હાઇબ્રિડ બાઇકના દિવસો, કંપની જણાવ્યો લોંચિંગ પ્લાન

ભારતનું પહેલું હાઇબ્રિડ બાઇક

TVSએ આ વર્ષે ફેબ્રુઆરીમાં યોજાયેલા ઓટો એક્સપો 2018માં પોતાની કોન્સેપ્ટ બાઇક TVS Zeppelin રજૂ કરી હતી. એવું માનવામાં આવી રહ્યું હતું કે કંપની આ વર્ષે જ આ બાઇક લોંચ કરી દેશે. જોકે TVSએ જાહેર કર્યુ કે તે આગામી વર્ષે આ બાઇક લોચ કરશે. આ ક્રૂઝર બાઇક લૂક્સમાં જેટલી પાવરફૂલ છે તેટલી જ ટેક્નોલોજી બાબતે હાઈટેક છે. આ કંપનીની પહેલી એવી બાઇક છે જેમાં 220ccના પેટ્રોલ એન્જિન સાથે ઇલેક્ટ્રિક મોટર પણ દેવામાં આવી છે.

1200 વૉટની મોટર

આ બાઇકમાં 1200 વૉટની રિજનરેટિવ આસિસ્ટ મોટર દેવામાં આવી છે. જે 48 વૉલ્ટની લીથિયમ આયન બેટરી સાથે આવે છે. આ એટલી પાવરફૂલ છે કે 20 ટકા સુધી વધુ ટોર્ક જનરેટ કરે છે. અલબત્ત, બાઇકનું એન્જિન કેટલો પાવર અને ટોર્ક જનરેટ કરશે તે અંગે કંપનીએ કોઈ ખુલાશો કર્યો નથી.

સ્ટાઇલિશ લુક અને ફીચર

ઝેપલિનના ડિઝાઇન અને લૂક્સની વાત કરીએ તો તેમાં રોબોટ ફેસ LED લેમ્પ આપવામાં આવ્યા છે. જે ફ્લેટ અને ખૂબ જ પહોળો છે. જેમાં હેલોઝન જેવી લાઇટ આપવામાં આવી છે. દમદાર એલોય વ્હિલ સાથે ટ્યૂબલેસ ટાયર આપવામાં આવ્યા છે. કંપનીએ આ બાઇકમાં બાયો નામથી સ્માર્ટ એક્સેસ સ્વિચ આપી છે. જોકે હાલ તો આ સ્વિચ કઈ રીતે કામ કરશે તે અંગે કોઈ જાણકારી આપી નથી.

બાઇકમાં હશે એક્શન કેમેરા

TVS Zeppelinમાં બીજુ એક મહત્વનું ફીચર એક્શન કેમેરા છે. જે બાઇકમાં લગાડવામાં આવશે. સાથે સાથે ટેક્નોલોજીની દ્રષ્ટીએ ક્લાઉડ કનેક્ટિવિટીવાળું ઇન્ફોટેનમેન્ટ મીટર અને ABS ફીચર પણ સામેલ છે.

આટલી હશે કિંમત

મીડિયા અહેવાલ મુજબ આ બાઇકની કિંમત 1.20 લાખથી 1.80 લાખ જેટલી હોઈ શકે છે. તો કેટલાક રિપોર્ટ મુજબ આ બાઇકની કિંમત 2 લાખ જેટલી પણ આંકવામાં આવી છે. પરંતુ જો કંપની બાઇકની કિંમત 1.2 લાખ આસપાસ રાખશે તો બજાજની એવેંજર અને સુઝુકીની ઇંટ્રૂડરને જબરજસ્ત કોમ્પિટિશન આપશે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat https://ift.tt/2AOPbe0