રફાલ વિવાદ: કિંમત પર નહીં થાય સુપ્રીમ કોર્ટમાં ચર્ચા, વિપક્ષને આંચકો

નવી દિલ્હી: સુપ્રીમ કોર્ટમાં ફ્રાન્સથી 36 રફાલ લડાકુ વિમાન ખરીદવાના કેસ પર આજે અગત્યની સુનવણી ચાલી રહી છે. ચીફ જસ્ટિસ રંજન ગોગોઈ, જસ્ટિસ એસકે કૌલ અને જસ્ટિસ કેએમ જોસેફની બેન્ચની સામે સરકારી અને સોદાની તપાસની માંગણી કરી રહેલા રહેલા અરજીકર્તાઓના વકીલોની વચ્ચે જોરદાર ચર્ચા ચાલી રહી છે. કેન્દ્ર સરકારે કિંમતની જે માહિતી સીલબંધ કવરમાં સુપ્રીમ કોર્ટને સોંપી છે, કોર્ટ આજે તેની પણ તપાસ કરશે. આજની કાર્યવાહીમાં કોર્ટમાં બંને પક્ષો વચ્ચે જોરદાર દલીલો થઈ રહી છે.

સુપ્રીમ કોર્ટે એરફોર્સના અધિકારીને બોલાવ્યા

સુપ્રીમ કોર્ટે અરજીકર્તાઓની દલીલો સાંભળ્યા બાદ એક અગત્યનો નિર્દેશ આપ્યો. કોર્ટે કહ્યું કે આ આખા મામલામાં ભારતીય વાયુસેનાનો પક્ષ પણ સાંભળવાની જરૂર છે. સીજેઆઈ રંજન ગોગોઇ એ એજી કેકે વેણુગોપાલને પૂછયું કે શું કોર્ટમાં એરફોર્સના પણ કોઇ ઓફિસર હાજર છે, જે આની સાથે જોડાયેલા મામલા પર જવાબ આપી શકે? કારણ કે અમે બધા એરફોર્સ સાથે જોડાયેલા કેસ પર જ ચર્ચા કરી રહ્યા છીએ, આ મુદ્દા પર અમે એરફોર્સને પણ કેટલાંક પ્રશ્નો પૂછવા માંગીએ છીએ.

પ્રશાંત ભૂષણને CJI એ ખખડાવ્યા

સુપ્રીમ કોર્ટમાં સુનવણી દરમિયાન અરજીકર્તાઓના વકીલ પ્રશાંત ભૂષણ માટે એ સમયે થોડાંક ડઘાય ગયા જ્યારે ચીફ જસ્ટિસ ગોગોઇ એ એક નોટમાં આપેલા તથ્યોને લઇ તેમને ટોક્યા હતા. પ્રશાંત ભૂષણ સરકારની પાસેથી રફાલના ભાવ પર ખુલાસો કરવાની માંગણી કરી રહ્યાં હતા. પ્રશાંત ભૂષણની એક દલીલ પર સુપ્રીમ કોર્ટે તેમને તલ્ખ અંદાજમાં કહ્યું કે જેટલું આ કેસ માટે જરૂરી છે, તેઓ તેટલું જ બોલે.

જો કે વાત એમ છે કે ભૂષણે સુપ્રીમ કોર્ટમાં એક દસ્તાવેજ દાખલ કર્યો. સુપ્રીમ કોર્ટે તેમાં એક ભૂલ પકડતા કહ્યું કે ઉતાવળમાં માહિતી ના આપો. ત્યારબાદ ભૂષણે પણ માન્યું કે તેમનાથી ઉતાવળમાં ભૂલ થઇ ગઇ છે. પ્રશાંત ભૂષણે કહ્યું કે કિંમતના મામલા પર કોઇપણ ખાનગી મુદ્દો હોઇ શકે નહીં, કારણ કે સરકારે ખુદ સંસદમાં તેનો ભાવ જણાવ્યો છે. આ એક બોગસ દલીલ છે કે સરકાર ગોપનીયતાના નામ પર કિંમતની માહિતી આપી શકયું નથી. ભૂષણનું કહેવું છે કે રફાલની કિંમત જૂની ડીલની સરખામણીમાં 40 ટકા મોંઘી થઇ છે.

સરકારની તરફથી હાજર AGએ ભૂષણ પાસા પુરાવા માંગ્યા

આ દરમિયાન જ્યારે પ્રશાંત ભૂષણે એક દસ્તાવેજ વાંચવાનું શરૂ કર્યું તો સરકારનો પક્ષ મૂકી રહેલા અટોર્ની જનરલ (એજી) કેકે વેણુગોપાલે તેમને રોકતા કહ્યું કે આ ગોપનીય દસ્તાવેજ છે. એજી એ કોર્ટને પ્રશાંત ભૂષણની આ માહિતીના સૂત્ર બતાવાની માંગણી કરી. પોતાની દલીલો દરમિયાન પ્રશાંત ભૂષણે સરકારની દલીલોને બોગસ ગણાવી. તેમણે રફાલના ભાવની ગોપનીયતા પર પણ પ્રશ્ન ઉઠાવ્યા. ભૂષણે કેન્દ્ર સરકાર પર આરોપ મૂકયા કે માત્ર અને માત્ર અનિલ અંબાણીને ફાયદો પહોંચાડવા માટે કોન્ટ્રાક્ટના ક્લોઝમાં ફેરફાર કરાયા છે.

અરજીકર્તાઓની તરફથી અરૂણ શૌરી એ પણ દલીલો કરી

સુનવણી દરમિયાન અરજીકર્તા એડવોકેટ એમએલ શર્માએ સુપ્રીમ કોર્ટને કહ્યું કે સરકાર દ્વારા દાખલ કરાયેલી માહિતી પરથી ખુલાસો થયો છે કે મે 2015 બાદ નિર્ણય લેવાની પ્રક્રિયામાં ગંભીર ગડબડી કરાઇ છે. અરજીકર્તાએ પાંચ જજોની બંધારણીય બેન્ચની સામે કેસ સંભળાવાની માંગણી કરી છે. પૂર્વ મંત્રી અને અરજીકર્તા અરૂણ શૌરીની તરફથી કોર્ટમાં હાજર થયેલા સીનિયર વકીલ પ્રશાંત ભૂષણ જે ખુદ પણ આ કેસમાં અરજીકર્તા છે, તેમણે કહ્યું કે માત્ર ત્રણ પરિસ્થિતિઓમાં જ ઇન્ટરગવર્નમેન્ટલ રૂટનો ઉપયોગ કરી શકાય છે.

પ્રશાંત ભૂષણે સુપ્રીમ કોર્ટમાં કહ્યું કે આ ડીલમાં ફ્રાન્સની સરકારની તરફથી સંપ્રભુતાની કોઇ ગેરંટી નથી. જ્યારે આપના નેતા સંજય સિંહની તરફથી હાજર થયેલા વકીલે સુપ્રીમ કોર્ટને કહ્યું કે 36 રફાલ એરક્રાફ્ટની કિંમત સરકારે સુપ્રીમ કોર્ટમાં બે વખત બતાવી છે. એવામાં રફાલના ભાવનો ખુલાસો કરી શકાય નહીં તેવી સરકારની દલીલ સ્વીકાર્ય નથી.

from Page Array – I Am Gujarat https://ift.tt/2Dm6Knm