ઓવરબ્રિજ પર સર્જાયો અકસ્માત
આણંદઃ આણંદ પાસે જનતા કરમસદ ઓવરબ્રિજ પર ભયાનક અકસ્માત સર્જાયો હતો. લક્ઝરી બસ અને કાર વચ્ચે થયેલો આ અકસ્માત એટલો ભયંકર હતો કે બન્ને વાહનોમાં આગ લાગી ગઈ હતી. આ આગમાં કારચાલક બહાર ન નીકળી શકતાં પોતાનો જીવ ગુમાવ્યો હતો.
અમારા ન્યૂઝ Whatsapp પર મેળવવા અહીં ક્લિક કરો
ભડથું થયો કારચાલક
વહેલી સવારે આ ગમખ્વાર અકસ્માત સર્જાયો હતો. જેમાં વેગનઆર કાર અને બસ ધડાકાભેર અથડાઈ હતી. આ ટક્કર એટલી ભીષણ હતી કે પછી સીએનજી કારમાં આગ લાગી હતી. આ આગ એટલી ભયાનક હતી કે જોતજોતામાં તેણે બસને પણ પોતાની ઝપેટમાં લીધી હતી. આગ એટલી ઝડપથી પ્રસરી કે કારચાલકને બહાર નીકળવાનો પણ સમય મળ્યો નહોતો. જેથી કે કારમાં જ ભડથું થયો હતો.
ભારે જહેમત પછી આગ પર આવ્યો કાબૂ
આ બનાવની જાણ થતાં જ આસપાસના રહીશો અને ફાયરબ્રિગેડની ટીમ ઘટનાસ્થળે પહોંચી ગઈ હતી અને ભારે મહેનત પછી આગ પર કાબૂ મેળવ્યો હતો. બ્રિજ પર અકસ્માત થયાં પછી થોડા સમય માટે વાહનવ્યવહાર પણ સ્થગિત કરવામાં આવ્યો હતો. જોકે, આગ પર કાબૂ મેળવ્યા પછી ફરી વાહનવ્યવહાર ચાલુ કરાયો હતો.
આગ પર કાબૂ મેળવતા ફાયરકર્મચારીઓ
જુઓ વીડિયો
from Page Array – I Am Gujarat https://ift.tt/2r2D8Uu
No comments:
Post a Comment