દીપિકા, અનુષ્કા કે સોનમ, બ્રાઈડલ લુકમાં કોણ મારી ગયું બાજી?

બોલિવૂડમાં લગ્નનું ધમાકેદાર વર્ષ

એવું લાગી રહ્યું છે કે બોલિવૂડમાં લગ્નનું વર્ષ ચાલી રહ્યું છે. એક પછી એક બોલિવૂડ એક્ટ્રેસિસ લગ્નના બંધનમાં બંધાઈ રહ્યાં છે. સૌથી પહેલા અનુષ્કા શર્મા, સોનમ કપૂર અને નેહા ધૂપિયા અને હવે દીપિકા પદુકોણ અને પ્રિયંકા ચોપરા પણ લાઈનમાં છે. આ એક્ટ્રેસિસનો બ્રાઈડલ લુક પણ ખૂબ જ ચર્ચામાં રહ્યો હતો.

સવ્યસાચીએ તૈયાર કર્યો હતો લુક

સૌથી પહેલા વાત કરવામાં આવે દીપિકા પાદુકોણની તો દીપિકાએ રીલ લાઈફમાં અનેકવાર પડદા પર દુલ્હનનો રોલ કર્યો છે પરંતુ જ્યારે તે રીયલ લાઈફમાં દુલ્હન બની ત્યારે તેની તસવીર પરથી નજર ખસતી જ નહોતી. કોંકણી રીત રિવાજથી થયેલા લગ્ન અને સિંધિ વિધિથી થયેલા લગ્ન બન્નેમાં દીપિકા પાદુકોણનો બ્રાઈડલ ડ્રેસ ફેમસ ફેશન ડિઝાઈનર સવ્યસાચીએ ડિઝાઈન કર્યો હતો. કોંકણી લગ્નમાં દીપિકાએ રેડ અને ગોલ્ડન કલરની સાડી પહેરી હતી જ્યારે સિંધિ લગ્ન દરમિયાન દીપિકાએ બ્લડ રેડ કલરનો સુંદર લહેંગો પહેર્યો હતો. આ બન્ને લુકમાં દીપિકા સુંદર લાગી રહી હતી.

લગ્નમાં અનુષ્કાએ પસંદ કર્યો ગુલાબી લહેંગો

હવે જો વાત કરવામાં આવે અનુષ્કાની તો અનુષ્કાનો બ્રાઈડલ લુક પણ સવ્યસાચીએ જ તૈયાર કર્યો હતો. દીપિકા અને અનુષ્કા બન્નેના લગ્નમાં ખુબ જ સમાનતાઓ હતી. આ બન્નેએ ઈટલીમાં જ લગ્ન કર્યાં હતાં. આ ઉપરાંત બન્નેનો ડ્રેસ સવ્યસાચીએ જ તૈયાર કર્યો હતો. આ પછી પણ બ્રાઈડલ લુક અલગ હતો. અનુષ્કા શર્માએ લાલ કલરથી હટકે ગુલાબી કલર પસંદ કર્યો હતો. અનુષ્કાનું આ રુપ ખૂબ જ સુંદર લાગી રહ્યું હતું.

‘ફેશનિસ્તા’ સોનમનો બ્રાઈડલ લુક

હવે વાત કરવામાં આવે બોલિવૂડની ફેશનિસ્તા સોનમ કપૂરની તો સોનમે પોતાના લગ્નનો લહેંગો ડિઝાઈન કરવા માટે અનુરાધા વકીલ પર પસંદગી ઉતારી હતી. અનુરાધાએ સોનમ માટે લાલ રંગનો પારંપરિક લહેંગો ડિઝાઈન કર્યો હતો. જેની પર મોટા કમળના ફૂલ હતાં. પોતાના આ લુકને કમ્પ્લિટ કરવા માટે સોનમે હેવી ગોલ્ડ જ્વેલરી પણ પહેરી હતી.

સિમ્પલ દુલ્હન નેહા ધૂપિયા

આ બધામાં સૌથી સિમ્પલ કોઈ લાગી રહ્યું હોય તો તે નેહા ધૂપિયા હતી. નેહા ધૂપિયાએ એકદમ સાદાઈથી જ અંગદ બેદી સાથે લગ્ન કર્યાં હતાં. નેહાનો બ્રાઈડલ લુક પણ ખૂબ જ સિમ્પલ હતો. અનુષ્કાની જેમ જ નેહાએ પણ પિંક કલરનો લહેંગો પોતાના લગ્ન માટે પસંદ કર્યો હતો. તેની જ્વેલરી અને મેકઅપ પણ સિમ્પલ જ હતાં. આમ છતાં નેહા સુંદર લાગી રહી હતી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2RYkrwQ