પીરિયડ્સ સમયસર નથી આવતા? આટલું ખાવ, તમારો પ્રોબ્લેમ સોલ્વ થઈ જશે

પીરિયડ્સના પ્રોબ્લેમઃ

એ વાત તો સ્વીકારવી જ રહી કે પીરિયડ્સ એ કોઈપણ સ્ત્રીના જીવનનો સૌથી કપરો ભાગ છે. જો પીરિયડ્સ નિયમિત હોય તો તે સ્ત્રીના શરીરને સ્વચ્છ બનાવે છે અને સ્ત્રીને તંદુરસ્ત બનાવે છે. પરંતુ આજની લાઈફસ્ટાઈલ અને ખાણીપીણીની આદતોને કારણે લગભગ 50 ટકા સ્ત્રીઓને નિયમિત પીરિયડ્સ નથી આવતા. ઘણી સ્ત્રીઓને તો બે ત્રણ મહિને એક વાર પીરિયડ્સ આવે છે. અનિયમિત માસિકને કારણે તમને સ્વાસ્થ્યને લગતી અનેક સમસ્યાઓ થઈ શકે છે. આજે અમે તમને કેટલાંક એવા ખાદ્યપદાર્થો વિષે જણાવવા જઈ રહ્યા છે જેને કારણે તમારા પીરિયડ્સ નિયમિત થઈ જશે. આ ફૂડથી તમારો બ્લડ ફ્લો તો વધશે જ પરંતુ પીરિયડ્સ દરમિયાન થતો દુઃખાવો પણ ઓછો થઈ જશે.

ગોળઃ

જો તમને અનિયમિત માસિક સ્રાવને કારણે પીરિયડ્સના સમયે વધારે દુઃખાવો થતો હોય તો તમારે રાત્રે દૂધમાં ગોળ મિક્સ કરીને નિયમિત પીવુ જોઈએ. ગોળની પ્રકૃતિ ગરમ છે. આથી તે તમારા શરીરને ગરમ કરે છે અને પીરિયડ્સ આસાનીથી આવે છે.

કૉફીઃ

કૉફીમાં સારા પ્રમાણમાં કેફેન હોય છે. કેફેન રક્તકોષિકાઓને પહોળી કરે છે. આ કારણે કૉફી પીવાથી પીરિયડ્સ દરમિયાન બ્લડ ફ્લો સુધરે છે.

મેથીઃ

મેથીના દાણામાં ભરપૂર માત્રામાં આઈસોફ્લેવોનેસ હોય છે. તે સ્ત્રીના શરીરમાં એસ્ટ્રોજનની માત્રા વધારે છે. એસ્ટ્રોજન લેવલ નીચુ જાય તો પીરિયડ્સ અનિયમિત થઈ જાય છે. તમે મેથીના દાણા નિયમિત લો તો પીરિયડ્સ દરમિયાન બ્લડ ફ્લો સારો થાય છે.

આદુઃ

આદુ એક એવી કુદરતી દવા છે જે માસિક સ્રાવ લાવવામાં મદદરૂપ બને છે. મેડિકલ ભાષામાં તેને એમ્મેનાગોજ પણ કહેવાય છે. આથી જો તમારે અનિયમિત માસિક હોય અથવા તો માસિક દરમિયાન ખૂબ દુઃખાવો થતો હોય તો એક કપ આદુવાળી ચા પીઓ, તમારો પ્રોબ્લેમ સોલ્વ થઈ જશે.

અખરોટઃ

અખરોટની તાસીર ગરમ છે અને તેમાં પુષ્કળ પ્રમાણમાં ડાયેટરી ફાઈબર હોય છે. તે કુદરતી રીતે શરીરમાં ગરમી પેદા કરે છે અને તમારો માસિક સ્રાવ નિયમિત બનાવે છે.

હળદરઃ

હળદરમાં અનેક ઔષધીય ગુણો રહેલા હોય છે. રાત્રે એક ગ્લાસ હળદર વાળુ દૂધ પીઓ. તેનાથી તમારો પીરિયડ્સનો દુઃખાવો તો ઓછો થશે જ અને તમે માસિકના દિવસોમાં ખુશ પણ રહી શકશો.

ડાર્ક ચોકલેટઃ

આ પણ પીરિયડ્સનો દુઃખાવો ઘટાડવાની એક અકસીર દવા છે. જંકફૂડ કરતા ડાર્ક ચોકલેટ્સ ખાશો તો તમારા મસલ્સ રિલેક્સ થઈ જશે, તમે વધુ સ્વસ્થ રહેશો અને માસિક દરમિયાન થતો દુઃખાવો પણ ઓછો થઈ જશે.

કુંવારપાઠુ અથવા એલોવેરાઃ

જો તમારે માસિક અનિયમિત હોય તો ખાલી પેટે એલોવેરા જેલમાં મધ મિક્સ કરીને લો. આ કારણે તમારા હોર્મોન્સ કાબુમાં આવશે. બીજી વખત તમારા પીરિયડ્સ વધુ નિયમિત આવશે. ખાસ ધ્યાન રાખો કે આ ઉપચાર પીરિયડ્સ દરમિયાન ન કરવો. પરંતુ તમારા બીજા પીરિયડની પહેલા કરવો.

જીરુઃ

તમારા પીરિયડ્સને નિયમિત બનાવવા ખાલીપેટે જીરાવાળુ પાણી પીઓ. પાણીમાં 1-2 ચમચી જીરુ રાત્રે પલાળી રાખો અથવા તો જીરાને થોડી વાર પાણીમાં ઉકાળો અને આ પાણી પી જાવ. આ ઉપચારથી તમારા શરીરમાં ગરમી ઉત્ન્ન થશે અને પીરિયડ્સનો બ્લડ ફ્લો શરૂ થશે. આ ઉપરાંત તે પેટ ફૂલી જવાની સમસ્યામાં પણ રાહત અપાવે છે.

from Page Array – I Am Gujarat https://ift.tt/2OCb8jT