સ્પર્ધાની રેસમાં મારુતિ ધીમી પડી: બજારહિસ્સો ઘટ્યો

66631143

કેતન ઠક્કર/આશુતોષ આર શ્યામ

મુંબઈ:છેલ્લાં પાંચ-સાત વર્ષમાં ભારતીય પેસેન્જર વ્હિકલ માર્કેટમાં એક ક્લાસિક કેસ બન્યો છે. મારુતિ સુઝુકીને છીંક આવે તો ઓટો બજારને શરદી થઈ જાય છે. એપ્રિલથી જૂન ક્વાર્ટરમાં નંબર વન ખેલાડી મારુતિ સુઝુકીની ત્રણ ટકા વૃદ્ધિને કારણે આ બજાર 22 ટકા વધીને 8,73,501 યુનિટ્સ થયું હતું. પણ બીજા ક્વાર્ટરમાં વૃદ્ધિનું પૈડું રસ્તા પરથી લપસી જતાં મારુતિનાં વોલ્યુમ સ્થિર રહ્યાં હતાં, જેને કારણે એકંદર ઓટો બજાર નકારાત્મક થઈ ગયું હતું.

તાજેતરમાં મારુતિનો બજારહિસ્સો સાત ટકાથી વધુ ઘટ્યો છે. એપ્રિલ 2018માં 55 ટકા હિસ્સો હતો, જે ઓક્ટોબરમાં ઘટીને 48 ટકા પર આવી ગયો છે. SIAMના ડેટા પ્રમાણે માર્ચ 2016થી નોટબંધીની અસર ઘટવા માંડી તે પછી કુલ 31 મહિનામાંથી 23 મહિનામાં તેનો બજારહિસ્સો 48 ટકાથી ઉપર રહ્યો હતો. પેસેન્જર વ્હિકલ સેગમેન્ટમાં સૌથી ઝડપથી વૃદ્ધિ કરી રહેલા UV સેગમેન્ટની વૃદ્ધિ બીજા ક્વાર્ટરમાં ઘટીને માત્ર છ ટકા જ થઈ હતી, જે છેલ્લાં બે વર્ષમાં 21 ટકા રહી હતી.

તીવ્ર સ્પર્ધા અને પોર્ટફોલિયો નબળો પડતાં લગભગ છ મહિના પછી કંપનીનો બજારહિસ્સો 50 ટકાની નીચે ગયો છે. આને કારણે કંપનીનો શેર પણ ઘટ્યો છે. ક્રેડિટ સુઇસના મતે મારુતિના કુલ વોલ્યુમના 42.5 ટકા વોલ્યુમે ચાલુ નાણાકીય વર્ષમાં સ્પર્ધાનો સામનો કરવો પડશે. નાણાકીય વર્ષ 2015થી 2018ની વચ્ચે આ પ્રમાણ 20 ટકા જ હતું. વધતી જતી સ્પર્ધાને કારણે જ ક્રેડિટ સુઇસે તેનું વલણ બદલીને ‘ન્યુટ્લ’ કર્યું છે અને એવો અભિપ્રાય આપ્યો છે કે બજારહિસ્સામાં વધારાનો ટ્રેન્ડ અટકી જશે.બજારહિસ્સામાં ઘટાડાનો સીધો સંબંધ ઘટતા જતા માસિક વોલ્યુમ સાથે છે.

]]>

from Page Array – I Am Gujarat https://ift.tt/2B7Ufdu