મુંબઈ: સન ફાર્માએ સપ્ટેમ્બર ક્વાર્ટરમાં આંચકાજનક ખોટ નોંધાવતા એનાલિસ્ટ્સ તેના અર્નિંગ અંદાજમાં કાપ મૂક્યો છે અને તેનાથી શેરના ટાર્ગેટ ભાવમાં પણ ૪થી 12 ટકા સુધીનો ઘટાડો થયો છે.
દેશની સૌથી મોટી ફાર્મા કંપની સન ફાર્માએ મોડાનિફિલ એન્ટિટ્રસ્ટ લિટિગેશનના સંદર્ભમાં ₹1,214.38ની વન ટાઇમ જોગવાઈ કરી હતી. તેનાથી સપ્ટેમ્બર ક્વાર્ટરમાં કંપનીએ ₹218.82 કરોડની સંયુક્ત ખોટ નોંધાવી હતી. બુધવારે સન ફાર્માનો શેર 7.4 ટકા તૂટીને ₹520.35એ બંધ આવ્યો હતો, જે પાંચ મહિનાની નીચી સપાટી છે. સ્ટોક ફ્યુચર સેગમેન્ટમાં પણ ભારે ટ્રેડિંગ થયું હતું.
શેરના રેટિંગને ઘટાડીને હોલ્ડ કરતાં એડલવાઇસે જણાવ્યું હતું કે સન ફાર્માના બિઝનેસની ક્વોલિટી શ્રેષ્ઠ છે, પરંતુ નજીકના ગાળાના અવરોધ અને સ્પેશિયાલિટી બિઝનેસમાં રોકાણથી મધ્યમ ગાળાનું ભાવિ અનિશ્ચિત બન્યું છે.
એડલવાઇઝે સન ફાર્મા માટે FY19 અને FY20ની શેર દીઠ કમાણીના અંદાજમાં પાંચ-પાંચ ટકા ઘટાડો કર્યો છે. કોટક ઇન્સ્ટિટ્યૂશનલ ઇક્વિટીઝે FY19-FY21ના EPS અંદાજમાં 6થી 8 ટકાનો ઘટાડો કર્યો છે. પ્રભુદાસ લીલાધરે જણાવ્યું હતું કે આ ફાર્મા કંપનીનું વેલ્યુએશન પડકારજનક છે અને હરીફ કંપનીઓમાં સૌથી મોંઘા પૈકીનું એક છે. સન ફાર્માનો શેર હાલમાં 2018-’19ની અંદાજિત કમાણીના 32 ગણા સ્તરે ટ્રેડ થાય છે.
]]>
from Page Array – I Am Gujarat https://ift.tt/2Q6CCmN
No comments:
Post a Comment