HIV+ મેજરે 75 કિશોરો સાથે બળાત્કાર કર્યો, બધાને એઈડ્સનો ખતરો!

થાઈલેન્ડની ધ્રૂજાવી દેનારી ઘટના

સૈન્ય એક HIV પીડિત સાર્જન્ટ મેજર દ્વારા આશરે 75 કિશોરો સાથે કુકર્મ કરવાનો મામલો સામે આવ્યો છે. આરોપી મેજર HIV પીડિત હોવાને લીધે કુકર્મના શિકાર કિશોરોને આ રોગ થવાનો ખતરો પેદા થયો છે. આ ઘટના પાડોશી દેશ થાઈલેન્ડના ખોન કેન પ્રાંતની છે. રિપોર્ટ અનુસાર, સૈન્યના ઑફિસરે એક સમલૈંગિક ડેટિંગ વેબસાઈટ પર પોતાની નકલી પ્રોફાઈલ બનાવી અને પછી આ માધ્યમથી આશરે 75 જેટલા કિશોરોને બોલાવી તેમની સાથે શારીરિક સંબંધો બાંધ્યા. થાઈલેન્ડની ક્રાઈમ ટાસ્ક ફોર્સના ડેપ્યુટી હેડ ઑફ ટેક્નોલૉજી સુરાચેતે હાકપાર્ને આ ઘટનાની જાણકારી મીડિયાને આપી છે.

13-18 વર્ષના બાળકો સાથે કર્યા કુકર્મ

સુરોચેતે અનુસાર, પીડિત કિશોરોની ઉંમર 13-18 વર્ષની વચ્ચે છે. આરોપી સાર્જન્ટ મેજરે પહેલા વાતચીત દરમિયાન પીડિત પાસે આપત્તિજનક તસવીરો માંગી અને પછી તેના સહાર આરોપીએ કિશોરો સાથે કુકર્મ કર્યા. સુરાચેતે અનુસાર, અમારી પાસે આરોપી પાસે ચોક્કસ પૂરાવા છે અને આરોપીએ પણ પોતાનો ગુનો કબૂલી લીધો છે.

ચાર વર્ષથી કરતો હતો આવા કામ

આરોપી છેલ્લા ચાર વર્ષોથી કિશોરોને પોતાનો શિકાર બનાવી રહ્યો હતો. પોલીસને આરોપીની વિરુદ્ધ ટેક્નોલૉજી ક્રાઈમ ટાસ્કના ફેસબુક પર ફરિયાદ મળી હતી. આરોપીએ બેંગકોંગમાં પોતાના પોસ્ટિંગ દરમિયાન અને પછી ખોન કેનમાં કિશોરો સાથે દુષ્કર્મ કર્યા.

બળાત્કાર બદલ છે 20 વર્ષની સજાની જોગવાઈ

અત્યારે આરોપીને સૈન્યના ઑફિસરને પદ પરથી બરખાસ્ત કરી તેના વિરુદ્ધ કાયદાકીય કાર્યવાહી કરવામાં આવી રહી છે. બીજી તરફ કિશોરોનો ટેસ્ટ કરી તેમનું કાઉન્સિંલિંગ આપવાની વાત કરવામાં આવી રહી છે. થાઈલેન્ડમાં બાળકોની સાથે બળાત્કારના કેસમાં 20 વર્ષની સજાની જોગવાઈ છે.