IndVsWin : હવે આ વર્લ્ડ રેકોર્ડ પર છે ‘હિટમેન’ રોહિતની નજર

રવિવારે ભારત-વિન્ડીઝ વચ્ચે છેલ્લી ટી20

ટીમ ઈન્ડિયાનો સ્ટાર ઓપનર અને વિન્ડીઝ વિરુદ્ધની ટી20 સીરીઝમાં ટીમનો કેપ્ટન રોહિત વિન્ડીઝ સામેની ત્રીજી અને અંતિમ ટી20 મેચમાં વધુ એક વર્લ્ડ રેકોર્ડ પર નજર જમાવીને બેઠો છે. જણાવી દઈએ કે, 11 નવેમ્બરે વિન્ડીઝ આ પ્રવાસમાં છેલ્લી વખત ટીમ ઈન્ડિયા સાથે ટકરાવવા જઈ રહી છે. આ મેચ ચેન્નઈના એમએ ચિદમ્બરમ સ્ટેડિયમ પર રમાશે. આ મેચમાં રોહિત પાસેથી વધુ એક મોટી ઈનિંગની આશા રાખવામાં આવી રહી છે.

અમારા ન્યૂઝ Whatsapp પર મેળવવા અહીં ક્લિક કરો

સૌથી વધુ ટી20 રનમાં નં.1 બની શકે છે રોહિત

રોહિત શર્માએ મંગળવારે લખનઉમાં તાબડતોબ અંદાજમાં બેટિંગ કરતા 61 બોલમાં છ ચોગ્ગા અને 7 છગ્ગાની મદદથી અણનમ 111 રનની ઈનિંગ રમી હતી. રોહિતના નામે હવે 86 ટી20 ઈન્ટરનેશનલ મેચોમાં કુલ 2203 રન છે. તે સૌથી વધુ રન બનાવનારા બેટ્સમેનોની યાદીમાં બીજા સ્થાને છે. જો તે છેલ્લી મેચમાં 69 રન બનાવી લેશે તો તે ન્યૂઝીલેન્ડના માર્ટિન ગુપ્ટિલનો સૌથી વધુ રનનો વર્લ્ડ રેકોર્ડ તોડી નાખશે. અત્યારે ગુપ્ટિલ 75 મેચોમાં 2271 રન સાથે પ્રથમ ક્રમે છે.

આ મોટો રેકોર્ડ પણ બનાવવાની તક

આ ઉપરાંત રોહિતના નામે ટી20 ઈન્ટરનેશનલમાં 96 ચોગ્ગા અને 199 ચોગ્ગા ફટકારી ચૂક્યો છે. જો તે ચેન્નઈની મેચમાં 4 છગ્ગા અને 1 ચોગ્ગો ફટકારી દેશે તો તે ટી20 ઈન્ટરનેશનલમાં 100 છગ્ગા અને 200 ચોગ્ગા ફટકારનારો દુનિયાનો બીજો અને ભારતનો પ્રથમ બેટ્સમેન બની જશે. આ યાદીમાં ગુપ્ટિલ 103 છગ્ગા અને 200 ચોગ્ગા સાથે પ્રથમ સ્થાને છે.

…તો ગેઈલ-ગુપ્ટિલથી આગળ નીકળી જશે

એટલું જ નહીં, ટી20 ઈન્ટરનેશનલ સૌથી વધુ છગ્ગાનો રેકોર્ડ પણ રોહિતની નજરમાં છે. ગુપ્ટિલ અને વિન્ડીઝનો વિસ્ફોટક બેટ્સમેન ક્રિસ ગેઈલ અત્યારે આ લિસ્ટમાં 103-103 સિક્સર સાથે સંયુક્ત રીતે પ્રથમ સ્થાને છે. જો રોહિત 8 છગ્ગા ફટકારી દેશે તો તેના નામે વધુ એક વર્લ્ડ રેકોર્ડ નોંધાઈ જશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2Pp7hMs