બીટા ફેઝમાં છે ગીગાફાઈબર
નવી દિલ્હીઃ Jio GigaFiber બ્રોડબેન્ડની જાહેરાત આ વર્ષે જુલાઈમાં રિલાયન્સ ઈન્ડસ્ટ્રીની વાર્ષિક સામાન્ય બેઠકમાં કરવામાં આવી હતી. જોકે, હજુ સુધી જિયો ગીગાફાઈબર FTTH નેટવર્કને સામાન્ય લોકો સમક્ષ મૂકવામાં નથી આવ્યું. હાલ તે પણ બીટા ફેઝમાં છે. લાંબા સમયથી આ સર્વિસની રાહ બ્રોડબેન્ડ ઈન્ડસ્ટ્રી પણ જોઈ રહ્યું છે. હવે એક રિપોર્ટ અનુસાર એ શહેરોની યાદી સામે આવી છે. જેમાં સૌથી પહેલા આ સર્વિસ શરુ થશે.અમારા ન્યૂઝ Whatsapp પર મેળવવા અહીં ક્લિક કરો
કંપનીએ કરી હતી જાહેરાત
નોંધનીય છે કે કંપનીએ ઓગસ્ટમાં જિયો બ્રોડબેન્ડ માટે Jio.Com પર રજિસ્ટ્રેશન શરુ કર્યાં હતાં. તે સમયે કંપનીએ જણાવ્યું હતું કે જે વિસ્તારમાં સૌથી વધુ રજિસ્ટ્રેશન હશે. તે શહેરમાં સૌથી પહેલા સર્વિસની શરુઆત થશે.પ્રિવ્યૂ ઓફર્સ હેઠળ મળતા લાભ
નોંધનીય છે કે એ પણ ખુલાસો થઈ ચૂક્યો છે કે નવા જિયો ગીગા ફાઈબર કનેક્શન સાથે 100Mbps સ્પીડ પર 100 જીબી ડેટા દર મહિને મળશે. જિયો ગીગા ફાઈબર પ્રિવ્યૂ ઓફર હેઠળ યુઝર્સને જિયો ગીગાફાઈબર અને જિયો ગીગાટીવી રાઉટર માટે 4500 રુપિયાની સિક્યોરિટી મની આપવી પડશે.રિપોર્ટમાં કરાયો દાવો
નોંધનીય છે કે હાલ જે શહેરોનું લિસ્ટ સામે આવ્યું છે તે ઓફિશ્યિલ નથી. જિયોએ હજુ સુધી જિયો ગીગાફાઈબરને સૌથી પહેલા કયા શહેરમાં લોન્ચ કરવામાં આવશે તે વિશે હજુ કોઈ જાણકારી આપી નથી. એક રિપોર્ટમાં દાવો કરવામાં આવ્યો છે કે સૌથી પહેલા જે શહેરમાં જિયો ગીગાફાઈબરની એન્ટ્રી થશે તે શહેરોની જાણકારી સામે આવી ચૂકી છે.આ શહેરોનો સમાવેશ
આ શહેરમાં રાજકોટ, બેંગલુરુ, રાંચી, પુણે, ઈન્દોર, થાણે, ભોપાલ, લખનઉ, કાનપુર, પટણા, પ્રયાગરાજ, રાયપુર, નાગપુર, ગાઝિયાબાદ, લુધિયાણા, મદુરાઈ, નાસિક, ફરીદાબાદ, કોઈમ્બતુર, ગુવાહાટી, આગ્રા, મેરઠ, શ્રીનગર, અમૃતસર, ચંદીગઢ, જોધપુર, કોટા અને સોલાપુરનો સમાવેશ થાય છે. જેમ કે અમે પહેલા જ જણાવ્યું કે જિયો ગીગાફાઈબર બ્રોડબેન્ડ સર્વિસ આ શહેરોમાં શરુ થવા વિશે રિલાયન્સ જિયો તરફથી કોઈ જ નિવેદન આવ્યું નથી.વોઈસ કમાન્ડને કરશે સપોર્ટ
જિયો ગીગા ટીવી સેટ ટોપ બોક્સ વોઈસ કમાન્ડને પણ સપોર્ટ કરશે. જેનો મતલબ એ કે યુઝર્સ માત્ર અવાજથી જ કન્ટેન્ટને કંટ્રોલ કરી શકશે.અનેક ભાષાને કરશે સપોર્ટ
કંપનીના જણાવ્યાનુસાર સ્માર્ટ રિમોટ અનેક ભાષાને સપોર્ટ કરશે. જોકે, કંપનીએ હાલ એ જણાવ્યું નથી કે કેટલી અને કઈ ભારતીય ભાષાનો સમાવેશ થશે.
No comments:
New comments are not allowed.