આ જગ્યાએ રોકાણ કરીને કમાણી કરી રહ્યાં છે KBC વિનર્સ, જાણો

કેવી રીતે કરવું જોઈએ રોકાણ

જો તમને એક કરોડ રુપિયા મળી જાય તો તમે શું કરશો? વિદેશમાં રજા, એક મસ્તમજાની કાર ખરીદશો અથવા તો પોતાના પરિવાર માટે વસ્તુઓ ખરીદશો? કે પછી કૌન બનેગા કરોડપતિના વિજેતા હર્ષવર્ધન નવાથેની જેમ જ હાયર એજ્યુકેશન માટે તે રકમનું રોકાણ કરશો. અચાનક જ મળેલી રકમથી તમે અનેક ઈચ્છાઓ પૂરી કરી શકો છો. આવો જાણીએ કેબીસીના વિનર્સે તેમને મળેલી રકમનો કઈ રીતે ઉપયોગ કર્યો.

અમારા ન્યૂઝ Whatsapp પર મેળવવા અહીં ક્લિક કરો

શું કહે છે એક્સપર્ટ્સ

લેડર 7 ફાઈનાન્શિયલ એડ્વાઈઝરીના સંસ્થાપક સુરેશ સદગોપનના જણાવ્યાનુસાર,’જ્યારે અચાનક જ કોઈની પાસે રુપિયા આવે છે. જેમ કે ઈનામ અથવા લોટરી, ત્યારે તેઓ ભાવુક થઈને ખોટા નિર્ણયો કરવા લાગે છે. અચાનક પાસે આવેલા ધનને લોકો ભ્રમિત થઈને ખોટી રકમમાં ફસાઈ શકે છે. આ કારણે એવી સ્થિતિમાં જરુરી છે કે તમે એક ઈન્વેસ્ટમેન્ટ મેનેજરને હાયર કરો અને બેકારના રોકાણથી દુર રાખો.’

લક્ષ્ય સ્પષ્ટ રાખો

હર્ષવર્ધન નવાથે
જીતેલી રકમઃ 1 કરોડ
વર્ષઃ 2000

અહી કર્યું રોકાણઃ એક કાર ખરીદી અને બાકીની રકમ ઈક્વિટી અને ડેટ મ્યૂચ્યૂઅલ ફંડમાં રોકાણ કરી. આ પછી બચેલી રકમથી એમબીએ કર્યું અને પછી તેણે ઘર પણ લીધું.

શું કહેવું છે હર્ષવર્ધનનુંઃ હર્ષવર્ધને કહ્યું હતું કે,’મને અનેક લોકો તરફથી રોકાણ કરવાનો પ્રસ્તાવ મળ્યો હતો.સાચો નિર્ણય લેવો કઠીન હતો. જોકે, હું એ વાતમાં સ્પષ્ટ હતો કે મારે શું કરવાનું હતું.’

લોંગ ટર્મ રોકાણમાં ફાયદો

અનામિકા મજમુદાર

જીતની રકમઃ 1 કરોડ

ક્યાં કર્યું રોકાણઃ જીતની વધારે રકમ ઈક્વિટી ફંડમાં લગાવી હતી. કેટલાક રુપિયા આદિવાસી ગામમાં શૌચાલય અને રસ્તા સરખા કરવા માટે વાપરી.

શું કહ્યું અનામિકાએઃ હાલ બજાર ડામાડોળ છે. જોકે, હું લોંગ ટર્મના રોકાણમાં જ ફાયદો જોઉં છું. આથી સમય આવતાં બહાર આવવામાં જ ફાયદો છે. હું મારા રોકાણને વધારવા ઈચ્છું છું. ધીરજના ફળ મીઠાં હોય છે.

સમજદારીથી કરો નિર્ણય

અચિન અને સાર્થક નરુલા
જીતની રકમઃ 7 કરોડ

ક્યાં કર્યું રોકાણઃ જીતની એક તૃત્યાંશ રકમને ત્રણ રીતે રોકાણ કરી હતી. કેટલીક રકમ ડેટ મ્યૂચ્યુઅલ ફંડ, ફિક્સ ડિપોઝીટ અને સરકારી બોન્ડમાં રોકાણ કરી.

શું કહ્યું અચિન નરુલાએઃ જ્યારે તમારુ નસીબ ચમકે છે અને તમારી પાસે અઢળક રુપિયા આવી જાય છે ત્યારે તેનો ઉપયોગ સૂઝબૂઝથી કરવો જોઈએ. જ્યારે અમે રકમ જીતી ત્યારે અમને રોકાણની અઢળક ઓફર્સ હતી. જેમાં મને ભારેખમ વળતરની આશા આપવામાં આવી હતી. જોકે, અમે સમજી વિચારીને જ પગલું લીધું અને અલગ અલગ રીતે રોકાણ કર્યું.

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat https://ift.tt/2zTW1gr