ડાયરેક્ટરે કટ કહ્યું છતાં KISS કરતા રહ્યા હતા દીપિકા-રણવીર

ભણસાલીની ફિલ્મથી શરૂ થઈ બંનેની લવસ્ટોરી

છેલ્લા 6 વર્ષથી રણવીર અને દીપિકા એકબીજાને ડેટ કરી રહ્યા હતા. આ બંને પહેલી વખત સંજય લીલા ભણસાલીની ફિલ્મ ‘ગોલીયોં કી રાસલીલા રામ-લીલા’માં જોવા મળ્યા હતા. આ ફિલ્મથી બંને વચ્ચે પ્રેમ શરૂ થયો અને આજે ઈટાલીમાં સાત ફેરા લઈ કાયમ માટે એકબીજાના થઈ જશે. તો, ચાલો આજે તમને રણવીર-દીપિકાની લવસ્ટોરી સાથે સંલગ્ન એવી વાત જણાવીએ, જેનો ખુલાસો તેમની ફિલ્મના એક ક્રૂ મેમ્બરે કર્યો છે.

અમારા ન્યૂઝ Whatsapp પર મેળવવા માટે ક્લિક કરો

લવ મેકિંગ સીન્સમાં ખોવાઈ જતા હતા ‘દીપવીર’

દીપિકા અને રણવીરની ઓનસ્ક્રીન અને કેમેસ્ટ્રી લોકોને ઘણી પસંદ આવે છે. આ બંનેને પહેલી વખત મોટા પડદા પર લાવનારું બીજું કોઈ નહીં પણ સંજય લીલા ભણસાલી જ છે. વર્ષ 2013માં ભણસાલીની ‘ગોલીયોં કી રાસલીલા રામ-લીલા’ ફિલ્મમાં બંનેને લીડ એક્ટર લીધા હતા. કહેવાય છે કે, આ ફિલ્મથી જ બંનેની લવસ્ટોરી શરૂ થઈ હતી. આ ફિલ્મમાં દીપવીરના ઘણા લવ મેકિંગ સીન પણ હતા. કહેવાય છે કે, કેટલાક સીન્સ કરતી વખતે આ બંને એટલા ખોવાઈ ગયા હતા કે ડાયરેક્ટરે કટ બોલ્યા બાદ પણ તે રોકાયા ન હતા.

એક ક્રૂ મેમ્બરે કર્યો આ ખુલાસો

આ વાતનો ખુલાસો ફિલ્ના ક્રૂ મેમ્બરે કર્યો છે. ક્રૂ મેમ્બરે જણાવ્યું કે, ‘અમને એવું લાગતું હતું કે, બંને વચ્ચે કંઈક તો છે. આ વાત ફિલ્મના ગીત ‘અંગ લગા દે રે’ ગીતના શૂટિંગ વખતે કન્ફર્મ થઈ. કિસિંગ સીન ઘણો પેશિનેટ હતો. કોઈએ એક શબ્દ પણ ત્યારે નહોંતો બ્લોય. હું એ સીનને ભૂલી શકું તેમ નથી. માત્ર સ્ક્રીન પર જોઉં છું.’ ક્રૂ મેમ્બરે કહ્યું કે, ‘એ બંને એ સમયે પણ કિસ કરતા હતા જ્યારે ડાયરેક્ટર કટ બોલી દેતા હતા. કટ બોલ્યા પછી પણ જ્યારે એ બંને એકબીજાને કિસ કરતા રહ્યા ત્યારે અમને કન્ફર્મ થઈ ગયું.’

દીપવીરે 4 ફિલ્મોમાં સાથે કામ કર્યું છે

ઉલ્લેખનીય છે કે, દીપિકા અને રણવીરે 4 ફિલ્મોમાં સાથે કામ કર્યું છે. પહેલી ફિલ્મ વર્ષ 2013માં ‘ગોલીયોં કી રાસલીલા રામ-લીલા’, બીજી ફિલ્મ ‘ફાઈન્ડિંગ ફેની’, ત્રીજી ફિલ્મ 2015માં આવેલી ‘બાજીરાવ મસ્તાની’ અને ચોથી ફિલ્મ આ વર્ષે રિલીઝ થઈ તે ‘પદ્માવત’ છે.

ઘણા લોકો સાથે જોડાઈ ચૂક્યું છે દીપિકાનું નામ

રણવીર સિંહ પહેલા દીપિકાનું નામ ઘણા લોકો સાથે જોડાઈ ચૂક્યું છે. જેમાં રણબીર કપૂર, સિદ્ધાર્થ માલિયાનું નામ પણ સામેલ છે. સૌથી વધુ દીપિકા અને રણબીર કપૂરનું અફેર ચર્ચામાં રહ્યું. આ બંનેએ લાંબો સમય સુધી એકબીજાને ડેટ કરી, પરતું બાદમાં બ્રેકઅપ થઈ ગયું. ઘણા ઈન્ટરવ્યુ દરમિયાન દીપિકા કહી ચૂકી છે કે બ્રેકઅપ પછી તે ડિપ્રેશનમાં જતી રહી હતી.

ઈટાલીના લેક કોમોમાં રણવીર-દીપિકાના લગ્ન

દીપિકા અને રણવીરના લગ્ન ઈટાલીના લેક કોમોના ડેલ બાલબિયાનેલોમાં થઈ રહ્યા છે. આ બંને બે રીત-રિવાજથી લગ્ન કરવાના છે. 14 નવેમ્બરે કોંકણી રીતથી અને 15 નવેમ્બરે સિંધી રીતથી. લગ્ન માટે જે વિલાને આ બંનેએ બુક કર્યો છે, તેની સુરક્ષા વ્યવસ્થા ચુસ્ત કરી દેવાઈ છે. જાણવા મળ્યા મુજબ, ત્રણ અલગ-અલગ લેવલની સિક્યુરિટીની વ્યવસ્થા કરવામાં આવી છે. આ લગ્નમાં લગભગ 40 મહેમાનો ઉપસ્થિત રહેશે તેવી વાત કહેવામાં આવી રહી છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2zaxAvP