Nokia 7.1 ભારતમાં લોન્ચ, પ્યોર વ્યૂ ડિસ્પલેવાળા આ ફોનની કેટલી છે કિંમત?

ભારતમાં લોન્ચ થયો નોકિયા 7.1 સ્માર્ટફોન

નવી દિલ્હીઃ એમએમડી ગ્લોબલે શુક્રવારે ભારતમાં પોતાનો નવો સ્માર્ટફોન નોકિયા 7.1 લોન્ચ કરી દીધો છે. નવા નોકિયા 7.1 એક મિડ-રેન્જ સ્માર્ટફોન છે અને તેની મુખ્ય ખાસિયતોમાં તેમાં રહેલી પ્યોરવ્યૂ ડિસ્પલે અને 2 રિયર કેમેરા છે. જણાવી દઈએ કે HMD Global દુબઈમાં 5 ડિસેમ્બર અને ભારતમાં 6 ડિસેમ્બરે એક ઈવેન્ટનું આયોજન કરી રહી છે. આ ઈવેન્ટમાં કંપની દ્વારા નોકિયા 8.1, નોકિયા 2.1 અને નોકિયા 9 સ્માર્ટફોન્સ લોન્ચ કરી શકાય છે.

કેટલી હશે નોકિયા 7.1ની કિંમત?

નોકિયા 7.1ની કિંમત 19,999 રૂપિયા રાખવામાં આવી છે. નોકિયાનો આ સ્માર્ટફોન 7મી ડિસેમ્બરથી વેચાણ માટે ઉપલબ્ધ હશે. ફોનનું વેચાણ દેશભરના રિટેલ સ્ટોર્સ અને Nokia.com પર શરૂ થશે. ફોન ગ્લોસ મિડનાઈટ બ્લૂ અને ગ્લોસ સ્ટીલ કલરમાં આવે છે.

નોકિયા 7.1ના સ્પેસિફિકેશન્સ

વાત કરીએ સ્પેશિફિકેશન્સની તો નોકિયા 7.1માં 5.84 ઈંચની ફુલ એચડી પ્લસ પ્યોરવ્યૂ ડિસ્પલે છે, જેનો આસ્પેક્ટ રેશિયો 19:9 છે. કંપનીનો આ પહેલો ફોન છે જે પ્યોરવ્યૂ ડિસ્પલે સ્ક્રીન ટેકનોલોજી સાથે આવે છે. ફોનમાં ક્વોકોમ સ્નેપડ્રેગન 636 મોબાઈલ પ્રોસેસર આપેલું છે. ફોન 4જીબી રેમ અને 64જીબી સ્ટોરેજ સાથે લોન્ચ કરાયો છે. નોકિયાનો આ ફોન 6000 સીરીઝ એલ્યુમિનિયમ ક્વોલિટીવાલી શીટથી બન્યો છે. ફોનમાં યુએસબી ટાઈપ-સી ફાસ્ટ ચાર્જિંગ સપોર્ટ છે. આ સ્માર્ટફોન ભારતમાં એન્ડ્રોઈડ 9.0 પાઈ અપડેટ સાથે આવે છે.

માત્ર 30 મિનિટમાં 50 ટકા ચાર્જ થશે

ફોટોગ્રાફી માટે નોકિય 7.1માં અપાર્ચર એફ/1.8 સાથે 12 મેગાપિક્સલ પ્રાઈમરી અને અપાર્ચર એફ/2.4 સાથે 5 મેગાપિક્સલ સેકન્ડરી સેન્સર આપેલું છે. ફોનમાં જાઈસ ઓપ્ટિક્સ છે. કેમેરા ઈઆઈએસ, બોથી અને ગૂગલ લેન્સ જેવા ફીચર્સ સાથે આવે છે. સેલ્ફી અને વીડિયા માટે અપાર્ચર એફ/2.0 સાથે 8 મેગાપિક્સલનો સેલ્ફી કેમેરા છે. નોકિયા 7.1માં 3060mAhની બેટરી આપેલી છે. જે 30 મિનિટમાં 50 ટકા ચાર્જ થાય છે. કનેક્ટિવિટી માટે 3.5 એમએમ હેડફોન જેક, બ્લૂટૂથ 5.0, 4જી એલટીઈ અને એનએફસી જેવા ફીચર્સ છે.

એરટેલના ગ્રાહકોને મળશે 1TB 4G ડેટા

વાત કરીએ તો લોન્ચ ઓફર્સની તો નોકિયાએ એરટેલ સાથે પાર્ટનરશિપ કરી છે. ફોન ખરીદવા માટે એરટેલ પ્રીપેડ ગ્રાહકો માટે 1ટીબી 4જી ડેટા મળશે, જેના માટે ઓછામાં ઓછા 199 રૂપિયાનું રિચાર્જ કરવાનું રહેશે. એરટેલ પોસ્ટપેઈડ ગ્રાહકોને 120જીબી વધારે ડેટા અને ત્રણ મહિના ફ્રી નેટફ્લિક્સ સબસ્ક્રિપ્શન તથા અમેઝોન પ્રાઈમ મેમ્બરશીપ મળશે. આ ઓફર્સ 499 રૂપિયાથી શરૂ થનારા પ્લાન્સ પર મળશે. ઓફલાઈન સ્ટોર્સમાં એચડીએફસી બેંક ક્રેડિટ તથા ડેબિટ કાર્ડ દ્વારા ઈએમઆઈ પર ફોન લેવા પર 10 ટકા કેશબેકની ઓફર છે.