હવે SBIમાંથી લોન લેવી તમને મોંઘી પડી શકે છે, જાણો કેમ

વ્યાજદર વધાર્યાઃ

મુંબઈઃ દેશની સૌથી વધુ લોન આપનારી બેન્ક સ્ટેટ બેન્ક ઑફ ઈન્ડિયા (SBI)એ ટર્મ ડિપોઝિટ પર તેના વ્યાજના દર 10 બેસિસ પોઈન્ટ વધારી રહ્યા છે. બેન્ક હવે સિનિયર સિટીઝનને એક વર્ષથી વધુની ડિપોઝિટ પર 7.3 ટકા અને અન્ય લોકોને 6.8 ટકા વ્યાજ આપશે.
અમારા ન્યુઝ WhatsApp પર મેળવવા અહીં ક્લિક કરો

લોન મોંઘી બનશે?

SBIએ એક વર્ષથી વધુની બધી જ ડિપોઝિટ પર વ્યાજદર વધારી રહ્યા છે. નવા દર ગઈકાલથી જ અમલી બની ગયા છે. મોટાભાગની બેન્કની ડિપોઝિટ એકથી વધુ વર્ષની કેટેગરીમાં છે. હવે બેન્ક પર વ્યાજના રૂપિયા આપવાનું ભારણ વધતા આગામી મહિનાઓમાં SBIની લોન મોંઘી પડી શકે છે.

આ છે કારણઃ

અત્યારે બજારમાં 1 લાખ કરોડની ખાધ જોવા મળી રહી છે. બેન્કના ટૂંકા ગાળાના ઋણમાં આ બાબત જોવા મળી હતી. બે કારણોસર બેન્કની તરલતામાં ઘટાડો થયો છે. પહેલુ કારણ એ કે કોર્પોરેટ્સની ક્રેડિટ એટલે કે રૂપિયા ઉછી લેવાની ડિમાન્ડ 15.6 ટકા વધી છે. દિવાળી દરમિયાન રૂપિયા વધુ વિથડ્રો થયા હોવાથી રોકડની લેવડદેવડ વધી છે. આ રૂપિયા હજુ સુધી બેન્કમાં પાછા આવ્યા નથી.

SBIએ વધાર્યા વ્યાજદરઃ

આ મહિનાના શરૂઆતમાં HDFC બેન્કે ડિપોઝિટના દર 0.5 ટકા વધારી દીધા હતા. ખાનગી ક્ષેત્રની અન્ય એક બેન્ક ICICIએ અમુક મેચ્યોરિટી પર દર 0.25 ટકા વધાર્યા હતા. SBIની વાત કરીએ તો બેથી ત્રણ વર્ષની ડિપોઝિટ માટે દર 6.75થી વધીને 6.80 કરવામાં આવ્યો છે. વરિષ્ઠ નાગરિકો માટે દર 7.25થી વધારી 7.30 કરી દેવાયો છે. SBI સ્ટાફ અને પેન્શનર્સને અપાતા વ્યાજદરમાં 1 ટકાનો વધારો કરવામાં આવ્યો છે.