હવે 100 ચેનલો માટે ચુકવવા પડશે ફક્ત રુ.130, પેકેજમાં 65 ચેનલ તમારી પસંદની

ટ્રાઈના નવા ફ્રેમવર્કથી કેબલ-DTH મોંઘા થવાની શક્યતા

ટેલીકોમ રેગ્યુલેટરી અર્થોરિટી ઓફ ઇન્ડિયા(TRAI)નો નવો નિયમ 29 ડિસેમ્બરથી લાગૂ થવા જઇ રહ્યો છે. જેનાથી ઘરમાં ડીટીએચ અથવા કેબલ પર ટીવી ચેનલનો માસિક ભાવ લગભગ અડધો થઇ શકે છે. ગ્રાહક સામાન્ય ફ્રી ચેનલ જોવા ઇચ્છે તો માત્ર 130 રૂપિયામાં 100 ચેનલ જોઇ શકશે. તેમજ આ પેકેજમાં ગ્રાહકોને પોતાની પસંદની ચેનલો સિલેક્ટ કરવાની આઝાદી હશે.

અમારા ન્યૂઝ Whatsapp પર મેળવવા અહીં ક્લિક કરો

પણ ટ્રાઈના ચેરમેને કહ્યું ‘નવુું ફ્રેમવર્ક કેબલ-DTH સેવા સસ્તી કરશે’

100 ચેનલમાં ગ્રાહકની મરજીની 65 ફ્રી ટૂ ઇયર ચેનલ, દૂરદર્શનની 23 ચેનલ, ત્રણ મ્યૂઝિક ચેનલ, ત્રણ ન્યૂઝ ચેનલ અને ત્રણ મૂવી ચેનલ સામેલ હશે. 29 ડિસેમ્બર બાદ કોઇપણ ઓપરેટર અથવા ડીટીએચ સર્વિસ પ્રોવાઇડર કંપની ગ્રાહકો પર બળજબરીપૂર્વક પેકેજ આપી શકશે નહીં.

દેશમાં 867 રજિસ્ટર્ડ ટીવી ચેનલ, 309 પે-ચેનલ

TRAIના આંકડા પર નજર ફેરવીએ, તો બ્રોડકાસ્ટિંગ ઇન્ડસ્ટ્રીમાં ટીવી ઇન્ડસ્ટ્રીના વર્ષ 2017માં રેવેન્યૂ અંદાજિત 66 હજાર કરોડ રૂપિયા હતું. જેમાથી 358 બ્રોડકાસ્ટિંગ કંપનીઓના દેશભરમાં 867 ટીવી ચેનલ તથા 309 પે-ચેનલ છે. દેશમાં 1469 એમએસઓ અને અંદાજિત 60 હજાર કેબલ ઓપરેટર્સ તથા 6 ડીટીએચ કંપનીઓના માધ્યમથી લોકોના ઘરો સુધી પહોચાડવામાં આવે છે.

from Page Array – I Am Gujarat https://ift.tt/2EDvAAC