મુંબઈ: ઓપેકની મહત્ત્વની બેઠક અગાઉ ગુરુવારે વૈશ્વિક રાહે મુંબઈ શેરબજારમાં ઘટાડો જોવા મળ્યો હતો. આજે બપોરે BSE સેન્સેક્સ 350 પોઈન્ટ્સથી વધુ ઘટીને ટ્રેડ થઈ રહ્યો હતો જ્યારે નિફ્ટી પણ 10,700ની સપાટી નીચે ટ્રેડ થઈ રહ્યો હતો. એશિયાના અન્ય બજારોની નરમાઈની અસર આજે ભારતીય શેરબજારમાં પણ જોવા મળી હતી.
ગુરુલારે સવારથી જ મેટલ અને ઓઈલ શેરોમાં ભારે વેચવાલીનું દબાણ જોવા મળ્યું હતું. અમેરિકા અને ચીન વચ્ચે ટ્રેડવોરની સમસ્યાના ઉકેલની આશા ઠગારી સાબિત થવાને કારણે વિશ્વભરના રોકાણકારોનું સેન્ટિમેન્ટ ખરડાયું હતું.
આજે બપોરે 12 વાગ્યે BSE સેન્સેક્સ 376.12 પોઈન્ટ્સ ઘટી 35,508 પોઈન્ટ્સની સપાટીએ ટ્રેડ થઈ રહ્યો હતો જ્યારે નેશનલ સ્ટોક એક્સચેંજનો નિફ્ટી પણ 128.15 પોઈન્ટ્સના કડાકા સાથે 10,654 પોઈન્ટ્સની સપાટીએ ટ્રેડ થઈ રહ્યો હતો.
ગુરુવારે બપોરે પણ મેટલ, ઓઈલ-ગેસ, રિયલ્ટી, FMCG, ઓટો અને બેન્ક સહિતના તમામ સેક્ટોરલ ઈન્ડાઈસિસ રેડ ઝોનમાં ટ્રેડ થઈ રહ્યા હતા. આજે સવારે વેદાંતા, ભારતી એરટેલ, ટાટા સ્ટીલ, યસ બેન્ક, મારુતિ, ઈન્ડસઈન્ડ બેન્ક, ONGC, ICICI બેન્ક, ટાટા મોટર્સ, કોટક બેન્ક અને NTPC સહિતના શેર્સ 3 ટકા સુધી ઘટીને ટ્રેડ થઈ રહ્યા હતા. જોકે આજે સન ફાર્મા, પાવરગ્રીડ અને લાસર્ન એન્ડ ટુબ્રોના શેર્સ 2 ટકા સુધી વધીને ટ્રેડ થઈ રહ્યા હતા.
from Page Array – I Am Gujarat https://ift.tt/2AUTFhX
No comments:
Post a Comment