1 રૂપિયાનું સોનુ ખરીદી રહ્યા છે ભારતીયો, જાણો કેવી રીતે ખરીદી શકાય

સોનાની ડિમાન્ડ ઘટીઃ

સ્વાન્સી અફોન્સો, બ્લૂમબર્ગઃ આખા વિશ્વમાં સોનાની સૌથી વધુ ખરીદી કરતા બીજા નંબરના દેશ ભારતમાં સોનાની ડિમાન્ડ ઘટી રહી છે. આથી જ રિટેલર્સ હવે ઓનલાઈન 1 રૂપિયાનું સોનુ પણ વેચી રહ્યા છે. છેલ્લા થોડા સમયથી ભારતમાં આવા સોનાની ખરીદીમાં વધારો જોવા મળ્યો છે. સરકારના નિયંત્રણો, સોનાની સ્થાનિક બજારમાં ઊંચી કિંમત જેવા કારણોસર સોનુ ખરીદવામાંથી લોકોનો રસ ઓછો થઈ ગયો છે. આ કારણે ઈન્ટરનેટ સેવી યુવાનોને આકર્ષવા ઝવેરીઓ ઓનલાઈન પોર્ટલ તરફ વળ્યા છે.

અમારા ન્યુઝ WhatsApp પર મેળવવા અહીં ક્લિક કરો

શા માટે લોકપ્રિય છે?

ડિજીટલ પ્લેટફોર્મ સેફ ગોલ્ડના મેનેજિંગ ડિરેક્ટર ગૌરવ માથુર જણાવે છે, “ઘણા લોકો એક રૂપિયાનું સોનુ ખરીદી રહ્યા છે.” સેફ ગોલ્ડ ફ્લિપકાર્ટ ઓનલાઈન સર્વિસિસ, ફોન પે જેવી પેમેન્ટ એપ સાથે સંકળાયેલુ છે. આ નવી પ્રોડક્ટ ટ્રાય કરવાનો ઓછા રિસ્કવાળો રસ્તો છે.

ત્યારે મળે છે સોનાની ડિલીવરીઃ

ખરીદદારીને એ લોકો એક ગ્રામ જેટલા સોના જેટલું પેમેન્ટ કરે પછી જ સોનાની ડિલીવરી આપવામાં આવે છે. અત્યારે તેની કિંમત રૂ. 3200 જેટલી છે. મતલબ 1-1 રૂપિયા કરીને ગ્રાહક આટલા રૂપિયા ચૂકવે ત્યારે તેમને 1 ગ્રામ સોનાની ડિલીવરી કરવામાં આવે છે. દુકાનમાં તમે સોનુ ખરીદવા જાવ ત્યારે ઓછામાં ઓછુ 1 ગ્રામ સોનુ ખરીદવું પડે છે. વળી, ઓનલાઈન ટ્રાન્ઝેક્શન ફટાફટ થઈ જાય છે. આ કારણે ભારતીયો તેના તરફ આકર્ષાઈ રહ્યા છે.

30 લાખ લોકોએ ખરીદ્યુંઃ

તમને જાણીને નવાઈ લાગશે કે આ પ્લેટફોર્મ ગયા વર્ષે જ લોન્ચ થયુ છે છતાં અત્યાર સુધી 30 લાખ લોકો આ પ્લેટફોર્મ પરથી ટ્રાન્ઝેક્શન કરી ચૂક્યા છે. વર્લ્ડ ગોલ્ડ કાઉન્સિલ આ કંપનીના ઈન્વેસ્ટર્સમાંના એક છે. કંપનીનો ટાર્ગેટ આવતા વર્ષ સુધીમાં પોતાની રેવન્યુ વધારીને 1.50 કરોડ કરવાની આશા રાખે છે. દેશમાં સોનાની જે પાયે ખરીદી થાય છે તેની સરખામણીએ આ રકમ ઘણી નાની છે. આ વર્ષે સપ્ટેમ્બર સુધીમાં નવ મહિનામાં સોનામાં 524 ટન સોનાની ખરીદી કરાઈ હતી.

સોનાની માંગમાં ઘટાડોઃ

ભારતમાં જેટલુ સોનુ ખરીદાય છે તે બધુ જ વિદેશથી મંગાવાય છે. છેલ્લા કેટલાંક સમયથી તેની ડિમાન્ડ ઘટી રહી છે. સરકાર સોનાના વેપાર પર નિયંત્રણ લાદી રહી છે અને ટેક્સ ચોરી કરવા માટે સોનામાં કાળા નાણા રોકતા લોકોને ઝડપવા પણ વિવિધ પગલા ભરી રહી છે. ગયા વર્ષે સોનાની ડિમાન્ડમાં 2010ની 1002 ટનની માંગની સરખામણીએ 23 ટકાનો ઘટાડો થયો હતો. આ વર્ષે રૂપિયો નબળો પડતા સોનાની માંગમાં વધારે ઘટાડો થવાની શક્યતા છે.

પેટીએમ પણ ઑફર કરે છે ગોલ્ડઃ

અત્યારે સેફ ગોલ્ડ, ઓગમોન્ટ એન્ટરપ્રાઈઝીસ અને પેટીએમ સોનુ ઑફર કરે છે. આ કંપનીઓ ટ્રેડિશનલ રિટેલ સ્ટોર કરતા ગ્રાહકો ઓનલાઈન સોનુ ખરીદતા થાય તેવા પ્રયત્નો કરી રહ્યા છે. હાલમાં ટાઈટન કંપની, ત્રિભોવનદાસ ભિમજી ઝવેરી જેવા રિટેલ સ્ટોર સોનાના બજાર પર રાજ કરે છે. તેની સામે ઓગમોન્ટ સોના-ચાંદીના સિક્કા 100 મિ.ગ્રા જેટલી નાની ક્વોન્ટિટીમાં વેચે છે. આથી સામાન્ય લોકોને તે પરવડે છે. લોકો ધીરેધીરે ડિજીટલ માધ્યમથી પણ સોનાની ખરીદી કરતા થયા છે.

યુવાનો ટાર્ગેટઃ

ભારતમાં હવે આગામી સમયમાં 50 કરોડ જેટલા યુવાનો ઈન્ટરનેટ પરથી શોપિંગ કરતા થશે. અત્યારે માત્ર 39 કરોડ લોકો જ ઓનલાઈન ટ્રાન્ઝેક્શન કરે છે. આ સંખ્યા આગામી સમયમાં વધવાની શક્યતા છે. ઓગમોન્ટે એક સ્ટેટમેન્ટમાં જણાવ્યું કે, “ઈ-કોમર્સ માર્કેટ જે રીતે આકાર લઈ રહ્યું છે તે જોતા લાગે છે કે ભવિષ્યમાં લોકો ડિજીટલ ટેક્નોલોજીથી સોનુ ખરીદતા જશે.”

from Page Array – I Am Gujarat https://ift.tt/2S3aVsp