પાંચ રાજ્યોના પરિણામોએ બદલી નાખ્યા સમીકરણ
રાજસ્થાન, છત્તીસગઢ અને મધ્યપ્રદેશની ચૂંટણીમાં રાહુલ ગાંધીના નેતૃત્વમાં કોંગ્રેસે ભાજપની લગભગ અજય રહેલી મોદી-શાહની જોડીને હરાવી રાજકારણની ગલિઓમાં 2019ની લોકસભા ચૂંટણી પહેલા એક મોટી હલચલ પેદા કરી દીધી છે. નવભારતટાઈમ્સ.કૉમ એ આ ત્રણેય રાજ્યોમાં કોંગ્રેસની સરકાર બનવાની ભવિષ્યવાણી પહેલેથી જ કરી દીધી હતી. હવે રાજકીય હલચલ વચ્ચે એ જોવાનું મજેદાર રહેશે કે, 2019માં શું થશે, શું રાહુલ ગાંધી વિધાનસભાની જેમ ધમાકેદાર જીત મેળવી શકશે કે પછી મોદી મેજિક ચાલશે, જુઓ જ્યોતિષના અરીસામાં શું થશે 2019માં.
15 ઑગસ્ટ 1947ના રોજ આઝાદ થયેલા ભારતની કુંડળી વૃષભ લગ્નની છે જ્યાં વર્તમાનમાં ચન્દ્રમામાં ગુરુની વિંશોતરી દશા ચાલી રહી છે. અન્તર્દશાનાથ ગુરુ સંઘંર્ષ સ્થાન એટલે છઠા ભાવમાં બેસી રાજસત્તા સ્થાન એટલે કે, દશમ સ્થાનને પોતાની પંચમ દૃષ્ટિથી જોઈને સુરક્ષા પ્રદાન કરી રહ્યો છે. ગુરુની શુભ દૃષ્ટિ લગ્ન અને ચંદ્ર બંનેથી દશમ ભાવ પર પડી રહી છે, આથી ગુરુની આ અન્તર્દશામાં વર્તમાન સરકારની સત્તામાં વાપસીના સારા યોગ બની રહ્યાં છે.
ગુરુ અષ્ટમેશ થઈને સંઘર્ષ સ્થાન એટલે કે, છઠ્ઠા ઘરમાં હોવાથી સત્તારુઢ ભાજપને આ વખતે પૂર્ણ બહુમત નહીં મળે એ વાતની આશંકા દેખાય છે. સરકાર બનાવવા માટે ભાજપે ગઠબંધનમાં નવા સહયોગીઓને જોડવા પડશે. આઝાદ ભારતની કુંડળીમાં દશમેશ શનિ ગોચરમાં અષ્ટમ ભાવથી ગોચર કરતા સરકાર નબળા થવાના સંકેત આપી રહ્યાં છે.
આ 3 રાજનેતા 2019માં બનશે કિંગ મેકર
2019ની લોકસભા ચૂંટણીમાં ભાજપ ગઠબંધનને પૂર્ણ બહુમતી માટે જરૂરી 272 સીટો ન મળવાને કારણે સરકાર બનાવવામાં મુશ્કેલી થશે. આવામાં ઓરિસ્સાના મુખ્યમંત્રી નવીન પટનાયક, તેલંગાણાના મુખ્યમંત્રી કેસીઆર, જગમોહન રેડ્ડી જેમની કુંડળીમાં હાલ પ્રબળ રાજયોગ ચાલી રહ્યો છે તે ભાજપની સરકાર બનાવવામાં મુખ્ય ભૂમિકા ભજવશે. આ ત્રણેય રાજનેતાઓના સિતારા મોદી અને ભાજપ સાથે મેળ પણ ખાઈ રહ્યાં છે. ભાજપની કુંડળી મિથુન લગ્નની છે તો જગમોહન રેડ્ડી અને નવીન પટનાયકની રાશિ મિથુન છે. મોદી અને ભાજપની ચંદ્ર રાશિ વૃશ્ચિક છે જે તેલંગાના મુખ્યમંત્રી કેસીઆરની જન્મરાશિથી ત્રિકોણમાં હોવાથી શુભ છે.
રાહુલ પર ભારે પડશે રાહુ, બેસશે વિપક્ષમાં
19 જૂન 1970ના રોજ 2:28 વાગ્યે દિલ્હીમાં જન્મેલા રાહુલ ગાંધીની કુંડળી તુલા લગ્નની છે અને તેમની ચંદ્ર રાશિ ધન છે જેના પર ગોચર કરી રહેલો શનિ હાલ સાડા સાતીનો પૂર્ણ પ્રભાવ લઈને ચાલી રહ્યો છે. ભાગ્ય સ્થાનમાં બેઠેલા મંગળની દશામાં પરાક્રમ સ્થાનમાં બેઠેલા ચંદ્રની અન્તર્દશાએ તેમને ત્રણેય રાજ્યોમાં જીતની ભેટ આપી છે પણ હવે આ દશા 15 એપ્રિલ 2019ના રોજ સમાપ્ત થઈ રહી છે અને પંચમ ભાવમાં બેઠેલા રાહુની મહાદશા શરૂ થઈ રહી છે. લોકસભા ચૂંટણીના પરિણામો મે 2019માં આવશે ત્યારે રાહુલ રાહુની મહાદશામાં પ્રવેશ કરી ચૂક્યા હશે. બુદ્ધિ સ્થાન એટલે કે પંચમ ભાવમાં બેઠેલો રાહુ તેમને અને તેમની પાર્ટી કોંગ્રેસને ‘ભ્રમી કોઠરી’માં ફસાવી શકે છે. રાહુલને રાજકીય નિર્ણયો લેવામાં અને ગઠબંધન માટે નવા સહયોગીઓ સાથે તાલમેલ બેસાડવામાં મુશ્કેલી થશે.
2019માં કોંગ્રેસ માટે સારી વાત
કોંગ્રેસ પાર્ટીની કુંડળી મીન લગ્નની છે જ્યાં ગુરુમાં ચાલી રહેલી શુક્રની અન્તર્દશા સંગઠનને મજબૂતી આપવાના જ્યોતિષીક સંકેત આપી રહી છે. ગુરુ અને શુક્ર બંને લગ્ન તથા ચન્દ્રના કેન્દ્રમાં છે, આથી આ દશામાં પાર્ટીના પ્રદર્શનમાં સુધાર થશે. ગત લોકસભા ચૂંટણીમાં 44 સીટો પર સમેટાઈ ગયેલી કોંગ્રેસ આ વખતે સરળતાથી 100નો આંકડો પાર કરી લેશે અને રાહુલ ગાંધી વિપક્ષના મોટા નેતા બનીને ઊભરશે.
ભાજપ માટે રહેશે આ મોટો પડકાર
17 સપ્ટેમ્બર 1950ના રોજ 12:09 કલાકે વૃશ્ચિક લગ્નમાં જન્મેલા નરેન્દ્ર મોદીનો રાજયોગ હજુ પણ કાયમ છે પણ તે 2014ની સરખામણીમાં ખૂબ નબળો પડવા લાગ્યો છે. ગત લોકસભા ચૂંટણીમાં મોદી ચંદ્રમાં ગુરુની શુભ દશા સાથે ચાલી રહ્યાં હતા જેને મોટી બહુમતી સાથે તેમને કેન્દ્રની સત્તા અપાવી હતી. હવે ચન્દ્રમામાં ચાલી રહેલી મારકેશ શુક્રની અન્તર્દશા તેમને એક નબળી ગઠબંધન સરકારના નેતૃત્વ કરવા માટે વિવશ કરી શકે છે જેવું તેમણે પોતાના રાજકીય જીવનમાં ક્યારેય કર્યું નથી. ગુજરાતમાં ત્રણ વાર મુખ્યમંત્રી રહેતા અને 2014માં વડાપ્રધાન પદ પર બિરાજમાન મોદીએ હંમેશા પૂર્ણ બહુમતીનું સુખ ભોગવ્યું છે. પરંતુ હવે તેમની કુંડળીમાં ચાલી રહેલા સપ્તમેશ શુક્રની અન્તર્દશા તેમને ગઠબંધનની બૈસાખીઓના સહારે સરકાર ચલાવવાના કડવા અનુભવમાંથી પસાર થવા વિવશ કરશે. આ સંકેત ભાજપની કુંડળીને પણ મળી રહ્યાં છે કે, હવે નીચેના ચન્દ્રમાની દશા ચાલી રહી છે. ભાજપની મિથુન લગ્નની કુંડળી (6 એપ્રિલ 1980, 11:45, દિલ્હી)માં સંઘર્ષના છઠ્ઠા ઘરમાં બેઠેલા નીચેના ચન્દ્રમાની દશામાં તેમને લોકસભા ચૂંટણીમાં 200થી પણ ઓછી સીટો મળી શકે છે.
from Page Array – I Am Gujarat https://ift.tt/2LekTop
No comments:
Post a Comment