તંદૂર વગર પણ ઘરે જ બનાવો નાન, બજારમાં 25 રુપિાયની મળતી ઘરે બનશે ફક્ત રુ.2માં

ઘરે જ બનાવો બજાર જેવી મસ્ત નાન

પંજાબી ડિશનું નામ પડે એટલે શાક ભલેને જુદા જુદા મંગાવીએ પણ નાન તો બધાંને ભાવતી જ હોય છે. સામાન્ય રીતે તમે રેસ્ટોરાંમાં જમવા જાઓ ત્યારે એક નાનની કિંમત 25-30થી રૂપિયા હોય છે. આ જ નાન જો ઘરે બનાવીએ તો માત્ર 2 જ રૂપિયામાં બની જાય છે. આ માટે નથી તંદૂર કે ઓવનની જરુર કઢાઈ પર જ બની જશે નાન, તો હવે શિયાળાની ઠંડીમાં એકવાર તમે પણ ઘરે નાન બનાવાની ટ્રાય કરી જ લો. ખૂબ સહેલી અને ફટાફટ બની જતી રેસિપિ છે.

અમારા ન્યૂઝ Whatsapp પર મેળવવા અહીં ક્લિક કરો

સામગ્રી

250 ગ્રામ મેંદો
1/4 ચમચી બેકિંગ પાવડર
1/4 ચમચી મીઠું
3 ચમચી તેલ
1 1/2 કપ નવશેકું પાણી
જરૂર મુજબ ઝીણું સમારેલું લસણ
જરૂર મુજબ ઝીણી સમારેલી કોથમીર

બનાવવાની રીત

એક બાઉલમાં મેંદો લઇ તેમાં પા ચમચી બેકિંગ પાવડર અને પા ચમચી મીઠું નાખી બરાબર મિક્સ કરો. ત્યારબાદ અંદર બે ચમચી તેલ નાખી ફરી એકવાર લોટને બરાબર મિક્સ કરી લો. હવે થોડું-થોડું નવશેકું પાણી એડ કરતા જાઓ અને લોટ બાંધતા જાઓ. લોટને વધારે મસળવો નહીં, માત્ર બધું મિક્સ કરી કડક લોટ બાંધવો. લોટને બાંધીને 15 મિનિટ માટે ભીનું કપડું ઢાંકી દો. 15 મિનિટ બાદ લોટ ચીકણો બની જશે.

બનાવવાની રીત

ચકલો અથા કિચન ફ્લોર પર થોડું અટામણ લઈ લોટ મૂકો અને બે હાથથી ખેંચી-ખેંચીને લોટને મસળો. લોટને જેટલો વધુ મસળશો, નાન એટલી જ વધુ સોફ્ટ બનશે. લોટને જેટલો વધું ખેંચશો એટલી જ સારી બનશે નાન. બરાબર મસળી લીધા બાદ આંગળીઓને અંદરની તરફ દબાવી-દબાવીને ગોળો તૈયાર કરો.

બનાવવાની રીત

ત્યારબાદ એક સ્ટીલ કે કાચના બાઉલમાં એક ચમચી તેલ લો અને તેલને બાઉલમાં ફેલાવી દો. ત્યારબાદ લોટને આ બાઉલમાં લઈ ચારેય બાજુ ફેરવી દો જેથી તેલથી કોટ થઈ જાય. ત્યારબાદ ભીના કપડાથી ઢાંકીને 2 કલાક સેટ થવા મૂકી દો. બે કલાક બાદ આ લોટ લગભગ ડબલ થઈ જશે. તેના એક સરખા માપના 7-8 લુઆ કરી દો.

બનાવવાની રીત

લોટ ખૂબજ સોફ્ટ પણ બની ગયો હશે. હવે આ લુઆની પાતળી અને લાંબી નાન વણવી. વણાઈ જાય એટલે ઉપર તમારી પસંદ અનુસાર લસણ અને કોથમીર ભભરાવો અને વેલણથી થોડું દબાવી દો, જેથી નાન સાથે ચોંટી જાય. લસણ પર થોડું તેલ નાખી રાખવું. ત્યારબાદ નાનને પલટી લો અને ઉપરની તરફ બધે જ પાણી લગાવી દો, જેથી નાન કઢાઇ પર ચોંટી શકે.

બનાવવાની રીત

હવે ગેસ પર કઢાઇને ઊંધી મૂકી ગરમ કરો. ત્યારબાદ નાનનો પાણીવાળો ભાગ કઢાઇ પર રાખવો જેથી નાન ચોંટી જાય. નાન ફૂલીને તૈયાર થવા લાગશે. એકબાજુ ચઢી જાય અને નાન થોડી ઉખડવા લાગે એટલે કઢાઇ સહિત જ ઉપાડો અને બીજી બાજુને સીધી જ આગ પર જ રાખવી. પરંતુ આગથી થોડી ઊંચી રાખવી જેથી નાન દાઝે નહીં.

રેસિપિ સૌજન્યઃ vegrecipesofindia

from Page Array – I Am Gujarat https://ift.tt/2Q8bbtu