લોકરક્ષક ભરતીનું પેપર લીક, સરકારના વાંકે 9 લાખ પરીક્ષાર્થીઓ બેહાલ

સરકારના દાવા પોકળ, એક્ઝામ પહેલા જ જવાબ સાથે પેપર લીક

અમદાવાદઃ ગુજરાત સરકાર માટે બનેલી વધુ એક શરમજનક ઘટનામાં રાજ્ય પોલીસ ભરતી બોર્ડ દ્વારા આજે રવિવારે લેવાઈ રહેલી લોકરક્ષકની 9,713 બેઠકો માટેની લેખીત પરીક્ષાનું પેપર ફૂટી જતાં આ પરીક્ષા રદ કરવાની જાહેરાત કરાઈ છે. જોકે આજે જ પરીક્ષા હોવાથી અનેક વિદ્યાર્થીઓ જુદા જુદા ગામમાં આવેલ પરીક્ષા કેન્દ્રો પર પહોંચવા માટે વહેલી સવારથી નીકળ્યા હતા પરંતુ સરકારી તંત્રની નાકામીના કારણે લાખો વિદ્યાર્થીઓ અને તેમના વાલીઓને હાલાકી ભોગવવાનો વારો આવ્યો છે.

સરકારના વાંકે લાખો વિદ્યાર્થીઓ હેરાન પરેશાન

રાજ્યભરમાંથી 8,76,356 જેટલા વિદ્યાર્થીઓ આ પરીક્ષા આપી રહ્યા હતા ત્યારે રાજ્ય પોલીસ ભરતી બોર્ડના અણઘડ વહીવટના કારણે પેપર ફૂટી જતાં આ પરીક્ષા રદ કરવાની ફરજ પડી છે. સરકારી બેદરકારીનો બીજો નમૂનો પરીક્ષા કેન્દ્રોની બહાર જોવા મળી રહ્યો છે. જેમાં કેટલાય કેન્દ્રો એવા છે જ્યાં આ પરીક્ષા રદ થઈ હોવાની કોઈ સૂચના મળી નથી. તો કેટલીક જગ્યાએ કેન્દ્રોને જાણ છે પણ વિદ્યાર્થીઓને આ અંગે ન હોવાના કારણે સ્થાનિક સ્તરે ઘર્ષણ પણ સર્જાયું હતું.

સવારથી ભૂખ્યા તરસ્યા વિદ્યાર્થીઓને પરીક્ષા રદ થયાની જાણ પણ ન કરાઈ

લોકરક્ષક ભરતીની પરીક્ષા રદ, 8 લાખથી વધુ વિદ્યાર્થીઓને ધક્કો પડ્યો
લોકરક્ષક ભરતી રદ થતા વિદ્યાર્થીઓ ગુસ્સામાં
IamGujarat द्वारा इस दिन पोस्ट की गई रविवार, 2 दिसंबर 2018

રાજ્ય પોલીસ ભરતી બોર્ડના ચેરમેન વિકાસ સ્વરૂપે પરીક્ષા પેપર ફૂટી ગયું હોવા સાથે પરીક્ષા રદ કરવા અંગેની જાહેરાત કરતાં કહ્યું કે, આગામી એક જ મહિનામાં ફરી પરીક્ષા લેવાશે. પાલનપુરમાં પેપર ફૂટતાં આ પરીક્ષા રદ કરવાની ફરજ પડી છે. આ અંગે વિકાસ સ્વરૂપ કોઈ સ્પષ્ટ ખુલાસો કરી શક્યા નહોતા. તેમણે સરકાર વતી પરીક્ષાર્થીઓની માફી માગી હતી. પરંતુ વહેલી સવારથી પરીક્ષા દેવા માટે પોતાના સેન્ટર પર પહોંચેલા ભૂખ્યા તરસ્યા વિદ્યાર્થીઓએ સરકાર વિરુદ્ધ સૂત્રોચ્ચાર કરીને વિરોધ દર્શાવ્યો હતો.

એક પછી એક પરીક્ષાના પેપર ફૂટતા સરકારની નીયત સામે સવાલ

પરીક્ષા આપવા આવેલ વિદ્યાર્થીઓને કહેવું હતું કે જો સરકાર ખૂબ ગુપ્તતા સાથે આ પેપર સેટ કરતી હોય અને પારદર્શિતાની વાતો કરતી હોય તો આટલી બધી સુરક્ષા વચ્ચેથી પેપર કઈ રીતે ફૂટી જઈ શકે. કેટલાક વિદ્યાર્થીઓએ પરીક્ષા અંગે સરકારની દાનત પર પણ સવાલ ઉઠાવ્યો હતો. વિદ્યાર્થીઓએ કહ્યું કે તેમજ જો પરીક્ષાર્થીઓને તેમના જ જિલ્લામાં કેન્દ્ર ફાળવવામાં આવે તો બહારગામ જવાની હાલાકી પણ દૂર થાય. વિદ્યાર્થીઓ અને તેમના વાલીઓનો એક જ પ્રશ્ન હતો કે જે લોકોએ મહેનત કરી છે અને પરીક્ષા આપવા આવે છે તેમની મહેનત અને ખર્ચાનું શું. ઠેર ઠરે વિદ્યાર્થીઓએ સરકાર સામે નારેબાજી શરુ કરી.

પરીક્ષાર્થીઓનું ભાડું સરકાર ચુકવશે

લોકરક્ષકની પરીક્ષાનું પેપર ખુલ્લું પડી ગયા પછી પરીક્ષાને રદ કરવામાં આવી છે અને હવે આ અંગે રાજ્ય સરકારે તપાસના આદેશ આપી દીધા છે. સ્થાનિક મીડિયાના અહેવાલ મુજબ મુખ્યમંત્રીએ તપાસના આદેશ આપવાની સાથે જણાવ્યું છે કે, હવે આગામી સમયે જ્યારે લોકરક્ષકની પરીક્ષા લેવામાં આવશે ત્યારે વિદ્યાર્થીઓને પરીક્ષા સ્થળ પર પહોંચવા માટે એસટીને રાજ્ય સરકાર દ્વારા વિદ્યાર્થીઓનું ભાડું ચુકવવામાં આવશે. ઉલ્લેખનીય છે કે, વિદ્યાર્થીઓ દ્વારા આ પેપર ફૂટવાની બાબતે તપાસ કરવાની અને ગુનેગારોને કડકમાં કડક સજા કરવામાં આવે ત્યારે ગૃહમંત્રાલયે પણ પરીક્ષાની પેપર ફૂટવાની બાબતે તપાસની વાત કરવામાં આવી છે.

લીક થયેલું પેપર

લીક થયેલું પેપર

લીક થયેલું પેપર

લીક થયેલું પેપર