રોયલ એનફિલ્ડની ABS ફીચર સાથેની થંડરબર્ડ 500X ભારતમાં લોન્ચ, આટલી છે કિંમત

ભારતમાં રોયલ એનફિલ્ડની સૌથી મોંઘી બાઈક

નવી દિલ્હી: રોયલ એનફિલ્ડે થંડરબર્ડ 500Xનું એબીએસ વર્ઝન ભારતમાં લોન્ચ કરી દીધું છે. એબીએસની કિંમત થંડરબર્ડ 500Xના નોન-એબીએસ વર્ઝનથી 14,000 રૂપિયા વધારે છે. થંડરબર્ડ 500X એબીએસ હવે ભારતમાં રોયલ એનફિલ્ડની સૌથી મોંઘી સિંગલ સિલિન્ડર બાઈક બની ગઈ છે. જોકે, આ બાઈકમાં એબીએસ સેફ્ટી ફીચર ઉપરાંત બીજા કોઈ નવા ફીચર સામેલ નથી કરાયા.

અમારા ન્યૂઝ Whatsapp પર મેળવવા અહીં ક્લિક કરો

પરફોર્મન્સ

આ બાઈકમાં પાવર માટે 499 સીસી, સિંગલ સિલેન્ડર, ફ્લૂઅલ ઈન્જેક્ટેડ, એર-કૂલ્ડ એન્જિન અપાયું છે. જે 27bhpનો મેક્સિમમ પાવર અને 41Nmનો પીક ટોર્ક જનરેટ કરે છે. તેનું એન્જિન 5-સ્પીડ ગિયરબોક્સ ટ્રાન્સમિશનથી લેસ છે.

સસ્પેન્શન અને બ્રેક

તેના આગળના ફ્રન્ટમાં ટેલિસ્કોપિક ફોર્ક અને રિયરમાં ડ્યૂઅલ શોક અબ્ઝાર્વર સસ્પેન્શન આપવામાં આવ્યા છે. તો, બ્રેકિંગ ફીચર્સની વાત કરીએ તો આ બાઈકના બંને વ્હીલ્સમાં ડિસ્ક બ્રેક અપાઈ છે.

કેટલી છે કિંમત?

પોતાના પાવરફુલ બાઈક્સ માટે ઓળખાતી રોયલ એનફિલ્ડના થંડરબર્ડ 500Xની કિંમત 2.13 લાખ રૂપિયા છે.

ભારત સરકારના નિર્ણયની દેખાઈ અસર

રોયલ એનફિલ્ડ પોતાની બધી બાઈક્સમાં એબીએસ ફીચર સામેલ કરી રહી છે. હકીકતમાં ભારત સરકારે દેશમાં 125 સીસી અને તેનાથી વધુની બાઈક્સ માટે એબીએસ એટલેકે એન્ટીલૉક બ્રેકિંગ સિસ્ટમને 1 એપ્રિલ 2019થી લાગુ કરવાનો નિર્ણય લીધો છે. તેને પગલે બધી બાઈક કંપનીઓ પોતાની બાઈક્સમાં એબીએસ ફીચર સામેલ કરી રહી છે. ભારતમાં રોયલ એનફીલ્ડ થંડરબર્ડ 500X આ વર્ષની શરૂઆતમાં લોન્ચ થઈ હતી. રોયલ એનફિલ્ડે સૌથી પહેલા ક્લાસિક 350 સિગ્નલ્સ એડિશનમાં એબીએસ ફીચર સામેલ કર્યું. તે પછી હિમાલયન મોટરસાઈકલ્સ અને ગનમેટલ ગ્રે શેડ ક્લાસિક 500માં એબીએસ ફીચર એડ થયું.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat https://ift.tt/2KJZfrQ