પત્ની પાસેથી આ ગુણો શીખ્યો રણવીર, પતિનું આ રીતે રાખે છે ધ્યાન દીપિકા

રણવીરના કરિયરમાં દીપિકાનું યોગદાન

મુંબઈઃ રણવીર સિંહે પોતાના 8 વર્ષના કરિયરમાં બોલિવૂડમાં ઘણું નામ કમાવી લીધું. તેની ગણના ખાસ એક્ટર્સમાં થાય છે. રણવીરના કરિયરની ત્રણ ફિલ્મો બાજીરાવ મસ્તાની, રામલીલા અને પદ્માવત ખૂબ જ મહત્વપૂર્ણ રહી. રણવીર માને છે કે તેને કરિયરમાં જે પણ કઈ મેળવ્યું છે તેમાં દીપિકા પાદુકોણનું મહત્વપૂર્ણ યોગદાન છે.

દીપિકા પાસેથી આ ગુણો શીખ્યો રણવીર

રણવીરે જણાવ્યું કે તે દીપિકાને ઘણા વર્ષો પહેલાથી પસંદ કરે છે. રણવીર કહે છે કે દીપિકા પાસેથી તેણે ઘણીબધી બાબતો શીખી છે. ખાસ કરીને ઈમાનદારી, તેનું ટાઈમ મેનેજમેન્ટ કમાલનું છે. તેના કારણે જ રણવીર અત્યાર સુધી ગ્રાઉન્ડેડ રહ્યો છે અને પોતાના કામને લઈને ફોકસ્ડ રહ્યો છે. રણવીર કહે છે કે મારા અચીવમેન્ટમાં ઘણો મોટો ભાગ દીપિકાનો છે. કારણ કે મેં તેની પાસેથી ઘણુબધુ શીખ્યું છે. દીપિકા પાસેથી મેં અનુશાસન, પ્રોફેશનાલિઝમ શીખ્યું છે.

પતિનું આ રીતે ધ્યાન રાખે છે દીપિકા

રણવીર કહે છે કે સ્ક્રીન એવોર્ડ દરમિયાન દીપિકા આ કારણે ઈમોશનલ થઈ ગઈ કારણ કે આ અમારો એકસાથે પહેલો એવોર્ડ શો છે. તેણે મારી સ્ટ્રગલ જોઈ છે અને ખિલજીનું પાત્ર મારા માટે સરળ નહોતું. રણવીર આગળ કહે છે કે તે આ પળોને ખૂબ માણી રહ્યો છે અને પોતાના ગૃહસ્થ જીવનથી ખુશ છે. તે કહે છે કે દીપિકા મારું ખૂબ ધ્યાન રાખે છે. આટલી મોટી સુપરસ્ટાર હોવા છતાં તે ઘરે ખૂબ જ સામાન્ય રહે છે. મને ફોન કરીને તે જ્યારે પૂછે છે કે ‘ઘરે ક્યારે આવશો, આજે જમવામાં શું બનાવું’ આ વાત મને સારી લાગે છે.

સિંબા લોકોને કરાવશે એન્ટરટેઈન!

રણવીર કહે છે કે બધા યંગસ્ટર્સને કહેવા ઈચ્છશે કે લગ્ન સેલિબ્રેશન છે અને લગ્ન જરૂર કરવા જોઈએ. રણવીર પોતાની આગામી ફિલ્મ સિંબા વિશે કહે છે કે સિંબા ક્વોલિટી મસાલા ફિલ્મ છે અને તેને લાગે છે કે દર્શકોને પણ આ ફિલ્મ ખૂબ જ એન્ટરટેઈન કરશે.