એક્શન સીન ફિલ્માવતા ઘવાઈ દિશા
બોલિવૂડ એક્ટ્રેસ દિશા પટની ટૂંક સમયમાં સલમાન ખાન અને કેટરીના કૈફ સાથે ‘ભારત’માં જોવા મળશે. આ ફિલ્મનું શૂટિંગ ખૂબ ઝડપથી ચાલી રહ્યું છે. આવામાં સલમાન સહિતના ફિલ્મના તમામ સ્ટાર્સ તેમના સીન્સ જલ્દી-જલ્દી પતાવી રહ્યાં છે. આ દરમિયાન સેટ પરથી ન્યૂઝ આવ્યા છે કે, દિશા પટની ઘાયલ થઈ ગઈ છે. દિશાને ફિલ્મના એક એક્શન સીન દરમિયાન ઈજા પહોંચી.
ઘૂંટણમાં થઈ ઈજા
સૂત્રો અનુસાર દિશા તેની આ ફિલ્મ માટે ખૂબ મહેનત કરી રહી છે. ઉલ્લેખનીય છે કે, આ ફિલ્મમાં તેની સામે સલમાન છે અને આ તેના કરિયરની અત્યાર સુધીની સૌથી મોટી ફિલ્મ છે. દિશાને ઘૂંટણા ભાગે ઈજા થઈ છે.
દિશાના રોલ માટે નિર્માતાઓ સતર્ક
જણાવી દઈએ કે, ફિલ્મમાં દિશાના રોલ અંગે મેકર્સ ખૂબ સતર્ક છે અને હજુ તેના વિશે કોઈપણ માહિતી સામે આવી નથી. રિલીઝ સુધી દિશાના કેરેક્ટર વિશે કોઈ જાણકારી બહાર ન આવે તે માટે મેકર્સ પ્રયત્ન કરી રહ્યાં છે.
ઈદ પર રિલીઝ ‘ભારત’
‘ભારત’ 2019માં ઈદ નિમિત્તે રિલીઝ થશે. ફિલ્મમાં સલમાન અને દિશા ઉપરાંત કેટરીના કૈફ પણ છે. આ ઉપરાંત તબ્બૂ અને કૉમેડીયન સુનીલ ગ્રોવર પણ મહત્વની ભૂમિકામાં દેખાશે. ફિલ્મને અલી અબ્બા ઝફર નિર્દેશિત કરી રહ્યો છે જ્યારે અતુલ અગ્નિહોત્રી ફિલ્મનો નિર્માતા છે.
No comments:
New comments are not allowed.